¿Kinmijtlakojtok mokoneuan redes sociales? | Biblia kinpaleuia tetajmej

Vivek Murthy kajki ken director general de Salud Pública ompa Estados Unidos. Ye okijto itech New York Times tlen okiski 17 de junio 2024, “moneki san niman itlaj tikchiuaskej porque telpochmej uan ichpochmej kinpanoua miak tlamantli uan kinmijtlakoua tlen kitaj itech redes sociales”.

¿Ken uelis tetajmej kinmaluiskej inkoneuan para amo makinmijtlako redes sociales? Tlen kijtoua Biblia uelis mitspaleuis.

¿Tlen uelis kichiuaskej tetajmej?

Xikita tlen kijtoua Biblia.

“Akin ixtlamatki mokuayejyekoua itech sejse tlamantli tlen kichiua” (Proverbios 14:15).

Redes sociales uelis kinmijtlakos mokoneuan ikinon te tikijtos kox tikinkauilis makinmitakan. Tla tikinkauilis makinmitakan redes sociales, achto xikita kox mitstlakamatiskej ijkuak tikinmiluis hasta tlen hora kitaskej. Noijki xikita kox kuali kinpejpenaskej akinmej inuan mouikaskej uan tlen tlamantli kitaskej.

• Tla tikneki okachi tikmatis, xikinmita tlamachtilmej “¿Deberían mis hijos usar redes sociales?” uan “Enséñele a su hijo adolescente a usar con seguridad las redes sociales”.

“Amo ximotonalpolokan” (Efesios 5:16).

Tla tikinkauilis mokoneuan makinmitakan redes sociales, xikinmilui ken kinpaleuis tla mitstlakamatiskej. Ayakmo xikinkauili makitakan tla tikita kinmijtlakoua tlen kitaj.

• Xikinmititi video Ximomalui ijkuak tikintekitiltia redes sociales tlen kajki itech “Pizarra animada”. Ijkon tikinpaleuis mokoneuan makimatikan amo nochipa moneki kinmitoskej redes sociales.

Okachi xitlatemo

Biblia kijtoua “itlamian tonalmej yetos oui” uan oui tikxikoskej (2 Timoteo 3:1-5). ITlajtol toTajtsin Dios techpaleuia porque amo keman mopatla tlen kijtoua uan techpaleuia maski axkan panotok miak tlamantli. Tikinmajsis miakej tlamachtilmej tlen kisaj itech Biblia kanin kijtoua miakej telpochmej uan ichpochmej amo kuali momachiliaj. Nonmej tlamachtilmej mitspaleuiskej uan noijki kinpaleuis mokoneuan.