¿Katej iTlaixpantijkauan Jehová itech se secta tlen uits Estados Unidos?

Kali kanin moyekana nochi tekitl kajki Estados Unidos. Pero amo tikatej itech se secta tlen uits Estados Unidos. Xikita tleka ijkon tikijtouaj.

• Sekimej kijtouaj se secta peua ijkuak moxeloua itech se religión. ITlaixpantijkauan Jehová amo omoxelojkej itech se religión. Okachi kuali, timochijchikauaj tikchiuaskej ken akinmej okichiuayaj ken Cristo itech achto siglo.

• Katej miakej iTlaixpantijkauan Jehová tlen tetlapouijtokej itech kanaj 230 altepemej. Maski san kanin tichantij, san Jehová uan Jesucristo techyekanaj uan amo tekiua itech Estados Unidos noso oksekimej tekiuajkej (Juan 15:19; 17:15, 16).

• Tikneltokaj tlen tlamachtia Biblia uan amo tlen okijkuilo se tlayekanki teopixki norteamericano (1 Tesalonicenses 2:13).

• Totlayekanki ye Jesucristo uan amo okse tlakatl (Mateo 23:8-10).