¿Tleka iTlaixpantijkauan Jehová amo kitekitiltiaj cruz?

Miakej kijtouaj cruz kiteititia akinmej kichiuaj ken Cristo. Pero maski tiiTlaixpantijkauan Jehová tikchiuaj ken Cristo, amo tiktekitiltiaj cruz nion amo tikueyichiuaj. ¿Tleka?

Achto, Biblia amo kijtoua Jesús omikik itech se cruz, kijtoua omikik itech se kuauitl melaktik. Uan noijki kijtoua: “Amo xikinweyijkachiwakah diosmeh non san kinmachijchiwah”. Uan non kijtosneki amo matiktekitiltikan cruz ijkuak tikueyichiuaj toTajtsin Dios (1 Corintios 10:14; 1 Juan 5:21).

Uan Jesús okijto tlen ika kinmixmatiskiaj akinmej kichiuaj ken Cristo, ijkuak okijto: “Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:34, 35). Jesús okijto tlasojtlalistli kiteititiskia akinmej melauak kichiuaj ken Cristo, uan amo cruz nion se teotsin.