¿ITlaixpantijkauan Jehová kipiaj se amatl kanin kijtoua tlen películas, tlakuikalmej noso amochmej amo uelis kinpiaskej?
Amo. Ialtepe Jehová amo kinpejpena tlen películas, tlakuikalmej noso amochmej amo uelis kinpiaskej iTlaixpantijkauan Jehová. ¿Tleka?
Biblia techyekiluia nochtin moneki kuali tikmatiskej tikpejpenaskej tlen kuali uan tlen amo kuali (Hebreos 5:14).
Tlen kijtoua Biblia techpaleuia kuali matikpejpenakan tlen ika timoyolpaktiskej.a Tiknekij timochijchikauaskej tikchiuaskej ken kijtoua Efesios 5:10: “Xikmatikah tlanón kipaktia n Toteko”.
ToTajtsin Dios kinkauilia tetajmej matlayekanakan itech inkalijtik, ikinon yejuan moneki kinmiluiskej infamilia tlen uelis kitaskej uan tlen amo (1 Corintios 11:3; Efesios 6:1-4). Pero itech tlanechikol, amo ikaj uelis kijtos tlen películas, tlakuikalmej noso okseki tlamantli amo uelis kipiaskej akinmej poui itech tlanechikol (Gálatas 6:5).
a Se neskayotl, Biblia kijtoua tlajtlakoli tla tikchiuaj naualotl, tla tiauilnemij uan tla titlateuiaj. Ikinon nochi tlamantli tlen techyoleua matikchiuakan non, amo kuali (Deuteronomio 18:10-13; Efesios 5:3; Colosenses 3:8).