Tlajtlanilmej

◼ ¿Tlen moneki momachtiskej konemej pampa ma mochikaua intlaneltokilis?

Tetajmej akinmej kichiuaj ken Cristo mochijchikauaj pampa kinmachtiskej inkoneuan “ika itlanonotsálistli iwa ika itlajtol n Toteko” Jehová (Efes. 6:4). Se neskayotl, mojmostla san sekan momachtiaj Examinando las Escrituras diariamente, pampa nin kinpaleuia miak. Itech yoak ijkuak kalchanejkej kiueyichiuaj Jehová sekimej tokniuan kitaj se video, motlapouiaj itech seki tlamachtilmej tlen kipiaj amatlajkuilolmej itech Los jóvenes preguntan, kichiuaj seki tlamauisolmej ika seki tlapoualismej noso noijki momachtiaj tlen uelis kichiuaskej. Pero pampa konemej uelis okachi mochikauas intlaneltokilis moneki momachtiskej okseki tlamachtilmej tlen kisaj itech Biblia (Heb. 6:1).

Ma timokuayejyekokan itech tlen tikinmachtiaj tlaltikpaktlakamej akinmej tikinmajsij. Ijkuak achto tikintlapouiaj timochijchikauaj pampa tikinmachtiskej ika amochtli ¿Tlen melauak tlamachtia Biblia? Satepan timomachtiaj amochtli “Manténganse en el amor de Dios”. ¿Tleka tikchiuaj? Amochtli tlamachtia Biblia kinmachtia tlen okachi ipati itech Biblia, uan amochtli “Amor de Dios” kinpaleuia pampa itech innemilis ma kinyekana itlanauatiluan Biblia. Momachtiskej ome amochmej kinpaleuia akinmej tikinmachtiaj pampa ma yeto chikauak intlaneltokilis (Col. 2:6, 7). ¿Amo melauak noijki ijkon moneki tikinmachtiskej tokoneuan? Miak ipati yejuan noijki ma momachtikan: Tlaxtlauili, Tekiuajkayotl uan ken katej akinmej yomikej. Noijki moneki momachtiskej tleka toTajtsin Dios kitekauilia ma titlajyouikan uan tleka tikijtoaj axkan tinemij itech itlamian tonalmej. Moneki kuali kimatiskej iTlaixpantijkauan Jehová tikpiaj tlen melauak, moneki kajsikamatiskej tlen kijtoa Biblia uan moneki “ya kuali kimatih kiyejyekoliah tlan kuali” (Heb. 5:14). Pero tetajmej moneki kuali kitaskej keski xiuitl kipiaj inkoneuan uan kox uelis kinmachtiskej tlen okachi oui. Uan noijki miakej konemej maski ayamo okachi uejueyij kuali kajsikamatij tlen kijtoa Biblia (Luc. 2:42, 46, 47).