Ma tikteititikan ke tiktlasojtlaj toTajtsin Dios

Pampa nochipa tikpiaskej se toyolikni, moneki iuan timotlapouiskej. Tikakij, uan ye techkaki. Keman timotlapouiaj innauak oksekimej kuali titlajtoaj itech. Noijki ijkon panoa tla tiknekij tiyetoskej tiiyolikniuan toTajtsin Dios. Xikita tlen kijtoa Biblia itech nin tlamantli.

Nochipa ma timotlatlaujtikan inauak Jehová. “Amo keman xikkauakan de anmotiotsajtsiliskej.” (Romanos 12:12.)

Tiktlajtoltiskej iTlajtol Totajtsin Dios, Biblia. “Dios okichij ma kijkuilokan itlajtol nochi tlan axan kajki ijkuilitok itech tiotlajkuilole. Iuan nochi itlajtol kuale para techmachtis tlan melauak, para ma tikmomakakan cuenta de tlan mach kuale tikchiuaj, para techmelauas.” (2 Timoteo 3:16.)

Tikinmachtiskej oksekimej itech toTajtsin Dios. “Por yonik, xiuian iuan xikinmachtikan nochtin in tlakaj de ixko yin tlaltikpak para ma yekan nomomachtijkauan. [...] Iuan xikinmachtikan ma kichiuakan nochi tlan Nej yonamechnauatij.” (Mateo 28:19, 20.)

Tinemiskej iuan iyolikniuan toTajtsin Dios. “Akin nemi iuan ixtlamatkej ye noijki yetos ixtlamatki.” (Proverbios 13:20.)

Timonechikoskej itech Kali kanin monechikoaj iTlaixpantijkauan Jehová. “Ma tiktemokan kenik uelis timopaleuiskej se iuan okse para okachi timotlasojtlaskej iuan para uelis tikchiuaskej tlan kuale.[...] Iuan ma timoyolojchikauakan [se iuan okse].” (Hebreos 10:24, 25.)

Titlapaleuiskej ika tomin pampa ma mochijto Teotekitl. “Cada se ma kitemaka tlan kimachilia ipan iyolo kitemakas. Amo ma kiyolkoko iuan nion amo a fuerza. Porque Dios kitlasojtla akin kitemaka ika pakilistle.” (2 Corintios 9:7.)