“Achto xio ximotlapojpolwiti iwa mokni”

Ximokuayejyeko tichanti altepetl Galilea ijkuak okatka Jesús uan otia Jerusalén para tiiluichiuas itech fiesta de las cabañas. Miakej akinmej kiueyichiuaj Jehová uan chantij itech okseki altepetsitsintin noijki oajsitoj. Axkan tikneki tikmaniliti Jehová se tentso uan itech ojtli miakej ompa yauij. Ijkuak tiajsiti teokali sapanoa miakej kitlamanilijtokej Jehová uan moneki tikinmakas teopixkej tentso tlen otikuikak. Pero tikilnamiki se tokni tlen noijki ompa kajki, mokuayejyekoa itlaj otikchiuili. Jesús okijto tlen moneki tikchiuas (xiktlajtolti Mateo 5:24). ¿Tlen moneki tikchiuaskej para tiyetoskej ika yolseuilistli ijkon ken Jesús okijto? Nikan xiktemo tlen moneki tikchiuas.

¿TLEN MONEKI TIKCHIUAS?

• Ximotlapoui iuan tokni tla kineltoka melauak itlaj amo kuali otikchiuili.

• Ximochijchikaua xikititi amo melauak tlen kijtoa, noijki itlajtlakol uan san niman moyolkokoa.

• Xikkaki ijkuak mitstlapouis, maski amo tikajsikamatis uan amo otiknekiaya itlaj tikchiuilis, xikilui ma mitstlapojpolui.

¿TLEN MONEKI KICHIUAS TOKNI?

• Kinmiluis oksekimej tokniuan tlen otikchiuili uan ijkon ma kipaleuikan.

• Mitsiluis tlen amo kuali otikchi uan kinekis xikijto te motlajtlakol.

• Kitas tiyolyamanki uan tiyolchikauak porque iuan otimotlapouito uan melauak mitstlapojpoluis.

Maski axkan amo tiktlamaniliaj Jehová, ¿tlen okijto Jesús moneki tikchiuaskej iuan tokniuan para Jehová ma kiseli ijkuak tikueyichiuaj?