Tlamachtilmej para Toteki akinmej tikchiuaj ken Cristo
2-8 DE SEPTIEMBRE
KEN TECHPALEUIA BIBLIA | HEBREOS 7, 8
“Tiópixki non ayik mikkis, ijkó kemi Melquisedec”
(Hebreos 7:1, 2) Nin Melquisedec, okatka rey de Salem iwa weyi tiópixki inawak Totajtsi Dios. Keman Abraham omokopato kan omotekilmakato iwan oksikimeh reyes non okintlanki, Melquisedec oyá okinamikito Abraham iwa okitiochi, 2 iwa Abraham okimák n Melquisedec n májtlaktli por siento de nochi tlan okintlanilito akimeh inwah omotekilmák. Melquisedec kijtosneki “Rey yekmilajka”, iwa “Rey de Salem” kijtosneki “Rey teyolsewi”.
it-2-S pág. 359
Melquisedec
Ye otlanauatiaya Salem uan toTajtsin Dios okitlali ma yeto teopixki (Gén. 14:18, 22). Ye achto teopixki tlen ijkuilitok itech Biblia uan okatka achto ajsiskia xiuitl 1933 a.i.x 1. Ye okatka ueyi tekiua itech altepetl Salem, itoka non altepetl kijtosneki “yolseuilistli”. Tlatitlanil Pablo okinotski ken “Rey teyolsewi” uan noijki okijto okatka “Rey yekmilajka” (Heb. 7:1, 2). Sekimej mokuayejyekoaj non altepetl Salem satepan okitokayotijkej Jerusalén, ik non, kipia itoka porque ualeua noijki kitokayotiaj “Salem” (Sal. 76:2).
Abrán (Abrahán) okitlanili ueyi tekiua Kedorlaomer uan oksekimej uejueyij tekiuajkej tlen okipaleuiayaj, satepan oajsito ixtlauak Savé tlen noijki okixmatiayaj ken iixtlauak ueyi tekiua. Ompa Melquisedec okimakak Abrahán pan uan vino. Noijki okilui toTajtsin Dios okichijchi iluikak uan tlaltikpak uan okiueyichi toTajtsin Dios porque okintlanili akinmej okikokoliayaj Abrahán uan okiteochi. Ik non, Abrahán okimakak ueyi tekiua uan teopixki Melquisedec “májtlaktli por siento” tlen okinkixtilijkej uejueyij tekiuajkej ijkuak okintlanilijkej (Gén. 14:17-20; Heb. 7:4).
(Hebreos 7:3) Amo momati akin ita nion akin ina, noso akimeh itatawah, amo momati kan otlákatki nion kemania omikki. Ijkó omoteixnextiko kemi Ikone Dios, kemi se weyi tiópixki semijkak.
it-2-S pág. 360 párr. 4
Melquisedec
¿Tleka amo “momati kan otlákatki nion kemania omikki” Melquisedec?
Tlatitlanil Pablo okijto non ueyi tekiua Melquisedec amo momati “akimeh itatawah, amo momati kan otlákatki nion kemania omikki. Ijkó omoteixnextiko kemi Ikone Dios, kemi se weyi tiópixki semijkak” (Heb. 7:3). Melquisedec oneski uan oixpoliuik ken nochtin. ITlajtol toTajtsin Dios amo kijtoa akinmej okatkaj itatajuan, ikojkoluan nion ixuiuan. Noijki amo kijtoa keman oneski nion keman oixpoliuik. Ik non, ye kuali okineskayoti Jesucristo porque ye nochipa yetos teopixki. Ijkon ken Melquisedec, Biblia amo kanaj kijtoa akin okatka achto nion amo kijtoa kox ikaj okipatkayoti ken teopixki, noijki ijkon amo okatka se ueyi teopixki ken Jesús uan Biblia kijtoa amo keman ikaj kipatkayotis. Maski Jesucristo okatka ikalchanejka David uan Judá non amo okitsakuili para yetos teopixki uan ueyi tekiua porque Jehová okichi iuan se tlajtolsenkaualistli.
(Hebreos 7:17) Porke Dios ijkí tlajtoa de Cristo: Te se titiópixki non ayik mikkis, ijkó kemi Melquisedec.
w14 1/10 pág. 14 párrs. 16, 17
Melauak xitlaneltoka itech Tekiuajkayotl
16 Ika ueyi tekiua David, Jehová otechmachti kichiuaskia se tlajtolsenkaualistli iuan Jesús tlen kipias ome tekitl: 1) ma motlali inakastlan hasta ma kinmixpolo akinmej kikokoliaj, uan 2) ma yeto se teopixki pampa nochipa ken Melquisedec (xiktlajtolti Salmo 110:1, 2, 4). ¿Tleka moijtoa ken Melquisedec? Pampa miak xiuitl achto kimoaxkatiskiaj Tlali tlen okinmiluijkej Kinmakaskiaj, Melquisedec, ueyi tekiua itech Salem, okatka “weyi tiópixki inawak Totajtsi Dios” (Heb. 7:1-3). Ineuia Jehová okitlali ken ueyi tekiua uan teopixki. Itech Escrituras Hebreas amo tikajsij okse akin noijki okatka ueyi tekiua uan teopixki. Uan noijki pampa amo moijtoa kox ikaj okipatlak noso ikaj yokichiuaya nin tekitl, uelis tikijtoskej nin teopixki yetoskia nochipa.
17 Ika nin tlajtolsenkaualistli, Jehová okitlali Jesús ken teopixki. Ik non, Jesús nochipa yetos “tiópixki, ijkó kemi okatka Melquisedec” (Heb. 5:4-6). Nin tlajtolsenkaualistli techmachtia Jehová melauak kitekitiltis Tekiuajkayotl mesiánico pampa ma mochiua tlen kineki pampa Tlaltikpak uan tlaltikpaktlakamej.
Ma tiktemokan ken techpaleuia Biblia
(Hebreos 8:3) Nochteh n wejweyi tiopixkeh kintlaliah para makitemakakah itla tlamánali iwa tlamíktili para makinchichinokah yolkameh kan artal, yika Jesús noiwa kipia tlan kitemakas imak Dios.
w00-S 15/8 pág. 14 párr. 11
¿Tlen kiselia Jehová?
11 Tlatitlanil Pablo okijto: “Nochteh n wejweyi tiopixkeh kintlaliah para makitemakakah itla tlamánali iwa tlamíktili” (Hebreos 8:3). Itech nin texto Pablo kijtoa ueyi teopixki okichiuaya ome tlamantli, okitemakaya “tlamánali” noso tetliokolil uan noijki okitemakaya “tlamíktili”, non kijtosneki okitemakaya “tlamíktilteh por n tlajtlákolteh” (Hebreos 5:1). Axkan miakej itlaj kitetliokoliaj para kiteititiskej tetlasojtlaj noso porque kinekij ikaj iuan mouikaskej uan kinekij ma kinselikan (Génesis 32:20; Proverbios 18:16). Noijki ijkon miak tlamantli tlen okijtoaya Tlanauatil omonekiaya kitemakaskej ken se “tlamanali” noso ken se tetliokolil para toTajtsin Dios ma kinseli. Akinmej amo okichiuayaj tlen okijtoaya Tlanauatil omonekiaya itlaj kitemakaskiaj para kiyektlaliskiaj tlen amo kuali okichijkej, ik non, okitemakayaj seki “tlamíktili” para “tlajtlákolteh”. Pentateuco kijtoa miak tlamantli tlen omonekiaya kitemakaskej ken “tlamánali” noso ken “tlamíktili”. Okachi miak uelta ijkuilitok tlen omonekiaya kitemakaskej itech amochmej Éxodo, Levítico uan Números. Ualeua oui tikilnamikiskej nochi tlen omonekiaya kichiuaskej pero moneki tikajsikamatiskej tleka ijkon okichiuayaj.
(Hebreos 8:13) Ijkuak Dios kijtoa oksepa inwah nimoyekkawas, kijtosneki ya wewe n tlájtoli non ika omoyekka inwah, iwa tlan ya wewejtitok iwa ya panotok, mach ok wejkawas iwa sannima pojpoliwis.
it-2-S pág. 574 párr. 4
Tlajtolsenkaualistli
¿Tleka tlajtolsenkaualistli itech Tlanauatil ayakmo okachi okinpaleuiaya?
Noijki tlajtolsenkaualistli itech Tlanauatil ayakmo okachi okinpaleuiaya ijkuak toTajtsin Dios okilui profeta Jeremías kichiuaskia se yankuik tlajtolsenkaualistli (Jer. 31:31-34; Heb. 8:13). Itech xiuitl 33, tlajtolsenkaualistli itech Tlanauatil ayakmo okinpaleuiaya porque Cristo omotemakak ijkuak okimiktijkej itech se tlaketsali (Col. 2:14) uan yankuik tlajtolsenkaualistli okipatkayoti (Heb. 7:12; 9:15; Hech. 2:1-4).
9-15 DE SEPTIEMBRE
KEN TECHPALEUIA BIBLIA | HEBREOS 9-10
“Itlasekawilo tlan satepa walaskia”
(Hebreos 9:12-14) Cristo okalak kan milák Lojar Santísimo, ayakmó para kimanas inmesso n yolkameh, yej para kitemaktis non Ye iesso. Ye okalak san se wuelta, iwa ijkó okitlaxtla topatka iwa otechmák tonemilis semijkak. 13 Achto, inmesso n torojteh iwa n tentsomeh, iwa itlekonex n beserra non okichichinoayah kan artal iwa satepa okitejtepewayah impah akimeh amo chipawakeh okatkah, okipiaya weletílistli para kinchipawas inawak Dios san ik pánixko. 14 Iwa tla inmesso n yolkameh kipia weletílistli, ¡Iesso n Cristo Jesús okachi kipia weletílistli ke inmesso nonteh yolkameh! Porke ika ichikawalis n Espíritu Santo non nochipa yolitok, Cristo inewia omotemák makimiktikah kemi se tlamánali senchipawak. Iesso techchipawa iwa ya tikmatokeh milák otechchipa. Iwa ijkó ya tiweleti tiktekichiwiliskeh Dios non yolitok.
it-2 pág. 635 párr. 4
Ijkuak ikaj kitlapojpoluiaj
Ijkon ken okijtoaya tlanauatil tlen toTajtsin Dios okinmakak israelitas, tla ikaj okinekiaya ma kitlapojpolui toTajtsin Dios noso oksekimej ma kitlapojpoluikan, omonekiaya kiyektlalis tlen amo kuali okichi. Noijki ualeua omonekiaya kimakaskej toTajtsin Dios se tlamanali (Lev. 5:5–6:7). Ik non, Pablo okijto: “Ijkó kiné, n tlanawátili techititia miak tlajtlákoli omochipawaya ika estli, iwa amitla motlaxtlawah tla amo motoyawa estli” (Heb. 9:22). Inmieso yolkamej amo okinkixtiliaya tlajtlakoli uan amo okinpaleuiaya para ma kipiakan chipauak intlalnamikilis (Heb. 10:1-4; 9:9, 13, 14). Yankuik tlajtolsenkaualistli okinpaleui melauak ma kintlapojpoluikan uan opejki ijkuak Jesucristo otechmakixti (Jer. 31:33, 34; Mat. 26:28; 1 Cor. 11:25; Efes. 1:7). Noijki ijkuak Jesús okatka nikan tlaltikpak, okipajti se tlakatl tlen amo ueli onejnemiaya ijkon okiteititi ye ueli tetlapojpoluia (Mat. 9:2-7).
(Hebreos 9:24-26) Porke Cristo amo okalak itech tabernákulo non san tlakah okichijchijkeh. Noni okatka san se tlachijchiwali kemi n milák tabernákulo non kajki ilwikak. Ye okalak kan ilwikak, kan axa kitlatlautijtok Dios matechtlapojpolwi. 25 N weyi tiopíxki, kalaki nochi xiwitl kan Lojar Santísimo iwa kimana estli non amo iesso, pero Cristo amo okalak miak welta para motemaktis. 26 Tla ijkó yetoskia, Cristo mikiskia miak welta desde ijkuak Dios okichijchi n tlaltíkpaktli. Pero Ye omonextiko itech ninteh iksemi tonatijmeh iwa inewia omotemák makimiktikah, iwa ijkó, ika iesso okimpojpoloko totlajtlakolwah.
cf-S pág. 183 párr. 4
“Xikchijtokan ken ne”
4 ITlajtol toTajtsin Dios amo kijtoa tlen okichi Jesús ijkuak oajsito iluikak, ken okiselijkej nion amo kijtoa ken oyolpakik ijkuak oksepa omokopki iuan iTajtsin. Pero kema kijtoa tlen panoskia ijkuak mokopaskia iluikak. Akinmej okatkaj judíos okitakej se iluitl kanaj mil quinientos xiuitl. Ijkuak okintlapojpoluiayaj judíos, ueyi teopixki okalakiaya Santísimo san se uelta sejse xiuitl para kichijchipinis inmieso yolkamej ixpan arca itech tlajtolsenkaualistli. Ijkon ueyi teopixki okichiuaya tlen satepan kichiuaskia Jesús. Ijkuak Jesús omokopki iluikak okichi tlen ueyi teopixki san okineskayotiaya. Ompa iluikak ixpan iTajtsin (kanin kajki Jehová melauak santo) okiteititi miak ipati tlen okichi para uelis miakej momakixtiskiaj (Hebreos 9:11, 12, 24). ¿Okiseli Jehová tlen okichi iKone?
(Hebreos 10:1-4) Itlanawatil Moisés sanwel itlasekawilo tlan satepa walaskia, iwa amo tlan milák techmakaskia. Yika, n tlanawátili amo weleti kinchipawa akimeh yawi nochi xiwitl inawak Dios, iwa kitlamaniliah. 2 Tla milák n tlanawatílistli weletiskia kinchipawas tlajtlákolteh, amo momachiliskia tlajtlakolejkeh iwa ayakmó kinmanaskiah yolkameh. 3 Pero nochi xiwitl, ninteh tlamiktilteh sanwel nomechtoktiah xikinmilnamikikah nomotlajtlakolwah, 4 porke inmesso n torojteh iwa n tentsomeh non kinmiktiah amo weletih kimpojpoloah tlajtlákolteh.
it-2-S pág. 638 párr. 7
Amo kipia tlajtlakoli
Tlanauatil tlen okijkuilo Moisés kijtoa tlen kijtosneki ajsitok. Non Tlanauatil okijtoaya omonekiaya kintlaliskej teopixkej uan omonekiaya kintemakaskej yolkamej. Pablo okiteititi toTajtsin Dios okitemakak Tlanauatil, ik non, okatka kuali uan ajsitok. Pero Tlanauatil, teopixkej uan yolkamej tlen okintemakayaj amo okinchipauaya uan ok okatkaj tlajtlakolejkej akinmej omochijchikauayaj kitlakamatiskej Tlanauatil (Heb. 7:11, 19; 10:1). Amo okinmakixti itech tlajtlakoli uan mikilistli, Tlanauatil san okiteititi okatkaj tlajtlakolejkej (Rom. 3:20; 7:7-13). Nochi tlen okinmiluiaya toTajtsin Dios ma kichiuakan okinpaleui para ma kixmatikan Cristo, ik non, Tlanauatil okatka ken se “itlasekawilo” porque “satepa walaskia” itlaj okachi kuali (Gál. 3:19-25; Heb. 10:1). Ik non, Pablo kijtoa: “N tlanawatílistli amo owéletki otechmakixti imak toelewilis” (Rom. 8:3). Non kijtosneki tlen kijtoa Hebreos 7:11, 18-28. Ompa kijtoa ueyi teopixki judío (Tlanauatil okijtoaya ye okalakiaya Santísimo tonal ijkuak okintlapojpoluiaya judíos ika ieso se yolkatl tlen okitemakayaj ken tlamanali) amo uelis kinmakixtiskia akinmej okinpaleuiaya ma kitemakakan se tlamanali. Maski ixuiuan Aarón okinpaleuiayaj israelitas ma kitemakakan se tlamanali ixpan Jehová para ma kinseli, amo okinpaleuiaya ma kipiakan chipauak intlalnamikilis porque okimatiayaj okatkaj tlajtlakolejkej. Ijkon okiteititi Pablo ijkuak okijto tlen okitemakayaj para ma kintlapojpoluikan amo okichipauaya intlalnamikilis (Heb. 10:1-4; noijki xikita Heb. 9:9). Ueyi teopixki amo ueli itlaj kitemakaskia para uelis kinmakixtiskia akinmej otlajtlakolchiuayaj. San Cristo ijkuak omotemakak topatka uelis melauak techtlapojpoluis uan techmakixtis porque ye noijki teopixki uan nochipa yetos (Heb. 9:14; 10:12-22).
Ma tiktemokan ken techpaleuia Biblia
(Hebreos 9:16, 17) Porke ya nonkimatokeh, ijkuak aka mikki, kikajtewa se amatl kan otlaxexelo, nochi tlan kijtoa itech non amatl, weletis mochiwas sanwel tla yomikki akin okitlali non amatl. 17 Porke non amatl kan kijtojtok otlaxexelo amitla ipati tla akin okijkuilo ok yolitok, non amatl amitla ipati asta ijkuak miki akin okitlali.
w92-S 1/3 pág. 31 párrs. 4-6
Sekimej techtlajtlaniaj
Tlatitlanil Pablo okijto omonekiaya ikaj mikis para toTajtsin Dios kichiuaskia se tlajtolsenkaualistli iuan tlaltikpaktlakamej. Ijkon techititia tlajtolsenkaualistli itech Tlanauatil. Moisés okinpaleui israelitas ma motokikan inauak toTajtsin Dios. Ijkon Moisés okipixki se tekitl miak ipati porque ye okintlapouiaya israelitas ijkuak Jehová okichi inmiuan non tlajtolsenkaualistli. Noijki uelis tikijtoskej omotaya Moisés okichi non tlajtolsenkaualistli itech Tlanauatil iuan Jehová. ¿Pero omonekiaya Moisés kinokis ieso para peuaskia non tlajtolsenkaualistli? Amo porque ipatka okintemakakej yolkamej, inmieso okitemakakej ipatka ieso Moisés (Hebreos 9:18-22).
Noijki Jehová okichi se yankuik tlajtolsenkaualistli iuan Israel espiritual uan Jesucristo otlapaleui ijkuak okichi non tlajtolsenkaualistli iuan Israel espiritual. Nin tlajtolsenkaualistli okichi Jehová pero Jesucristo omonekiaya itlaj kichiuas. Jesús otlapaleui ijkuak okichijkej non tlajtolsenkaualistli ijkuak okatka nikan tlaltikpak uan noijki okatka inmiuan akinmej itech pouiskiaj (Lucas 22:20, 28, 29). Noijki ye uelis kitemakaskia se tlamanali para melauak mochiuaskia non tlajtolsenkaualistli. Non tlamanali amo uelis kichiuaskia ika yolkamej, omonekiaya kitemakas iyolilis porque amo okipiaya tlajtlakoli. Ik non, Pablo okijto Cristo ijkuak okatka tlakatl okichi non yankuik tlajtolsenkaualistli. Satepan “Cristo [...] okalak kan ilwikak, kan axa kitlatlautijtok Dios matechtlapojpolwi” uan ijkon opejki non tlajtolsenkaualistli (Hebreos 9:12-14, 24).
Ijkuak Pablo okijto Jesús uan Moisés okinchijkej tlajtolsenkaualismej, amo okijto yejuan okinpeualtijkej porque toTajtsin Dios okinchi. Pero kema otlapaleuijkej. Nochipa omonekiaya ikaj mikiskia; yolkamej okipatkayotijkej Moisés uan Jesús okitemakak ieso para akinmej pouiskiaj itech yankuik tlajtolsenkaualistli.
(Hebreos 10:5-7) Yika, ijkuak owala Cristo ipan tlaltíkpaktli, Ye okijto: Tejwatsi amo otiknek mamitsinmiktilikah yolkameh nion mamitstlamanilikah, yika otechkawili manitlakatiki iwa satepa manimitsmaktili nokuerpo kemi se tlamíktili. 6 Tejwatsi amo omitspakti mamitsinmiktilikah yolkameh non okinchichinoayah ipan artal para tikintlapojpolwis de intlajlakolwah. 7 Ijkuakó onikijto: “Nika nika Tejwatsi Dios, ken ijkuilitok, nikchiwas tlan Tejwatsi tikmonekiltia.”
it-1-S pág. 291 párr. 4
Apolaktilistli
Lucas kijtoa Jesús omotlatlautijtoka ijkuak omoapolakti (Luc. 3:21). Noijki ijkuak Pablo okijkuilo carta a los Hebreos okijto ijkuak Jesucristo ouala “ipan tlaltíkpaktli” (non amo kijtosneki okijto ijkuak oneski, porque ayamo otlajtoaya. Ijkon opanok ijkuak oyajki ma kiapolaktikan uan opejki kitekichiuilia Jehová) okijto tlen kijtoa Salmo 40:6-8: “Tlamanali uan tlamiktili amo otiknek, pero otechchijchiuili notlalnakayo. [...] ¡Xikita! Oniuala (itech rollo kijtoa tlen nikchiuas) para nikchiuas tlen tikneki, oh toTajtsin Dios” (Versión de los Setenta) (Heb. 10:5-9). Nochtin Judíos okichijkej tlajtolsenkaualistli itech tlanauatil iuan toTajtsin Dios, satepan Jesús oneski itech inmialtepe (Éx. 19:5-8; Gál. 4:4). Ik non, ijkuak Jesús okilui Juan ma kiapolakti ye yopouiaya itech tlajtolsenkaualistli. Ye okichi okachi miak tlamantli maski Tlanauatil amo okijtoaya. Iselti omotemakak ixpan Jehová para kichiuas itlanekilis, non kijtosneki okitemakak itlalnakayo para ayakmo kintemakaskiaj yolkamej ijkon ken okijtoaya Tlanauatil. Tlatitlanil Pablo okijto: “Dios yotexchipa de totlajtlakolwah porke Cristo okichi tlan Dios kimonekiltia, [...] okitemák ikuerpo kemi se tlamíktili san se welta iwa nochipa” (Heb. 10:10). ITajtsin Jesús noijki okinekiaya ma tlapaleui itech iTekiuajkayo uan Jesús noijki omotemakti para tlapaleuis (Luc. 4:43; 17:20, 21). Jehová okiseli tlen Jesús okimaktili, ik non, okipejpenki ika iespíritu santo uan okilui: “Te Tinokone non niktlasojtla, iwa monawak niyolpaki” (Mar. 1:9-11; Luc. 3:21-23; Mat. 3:13-17).
16-22 DE SEPTIEMBRE
KEN TECHPALEUIA BIBLIA | HEBREOS 11
“¿Tleka miak ipati titlaneltokaskej?”
(Hebreos 11:1, TNM) Tlaneltokilistli non tlen se kichia melauak ma pano, tlen kiteititia panos maski ayamo tikitaj.
Ma titlaneltokakan itech tlen Jehová yokijto kichiuas
6 Biblia kijtoa tlen kijtosneki tlaneltokilistli itech Hebreos 11:1, TNM (xiktlajtolti). Achto kijtoa tlaneltokilistli non “tlen se kichia melauak ma pano”. Itech tlamantli tlen tikchiaj poui tlen toTajtsin Dios yokijto kichiuas. Se neskayotl, kuali tikmatij nochi tlen amo kuali pojpoliuis uan yetos Xochitlali. Biblia noijki kijtoa tlaneltokilistli non “tlen kiteititia panos” tlen tikchiaj “maski ayamo tikitaj”. Seki tlamantli tlen melauak katej maski amo tikinmita ye Jehová, Jesucristo, ángeles uan Tekiuajkayotl tlen kajki iluikak (Hebreos 11:3). ¿Ken tikteititiaj melauak titlaneltokaj itech tlen toTajtsin Dios yokijto kichiuas uan itech tlamantli tlen amo tikitaj? Tikteititiaj ika tonemilis, ika tlen tikijtoaj uan ika tlen tikchiuaj.
(Hebreos 11:6) Pero tla se amo kipia tlaneltokálistli, mach weletis tikpaktis Dios, porke akin mijkuania inawak Dios, moneki makineltoka Ye onka, iwa Ye kinmakas intlatliokolil akimeh kitemoah.
w13-S 1/11 pág. 11 párrs. 2-5
ToTajtsin Dios kinteochiua akinmej kinekij kixmatiskej
¿Tlen moneki tikchiuaskej para tikyolpaktiskej toTajtsin Dios? Tlatitlanil Pablo okijto: “Tla se amo kipia tlaneltokálistli, mach weletis tikpaktis Dios”. Nikan tlatitlanil amo okijto oui, okijto amo “weletis”. Non kijtosneki tla tiknekij tikyolpaktiskej toTajtsin Dios moneki titlaneltokaskej.
Pero ¿tlen kijtosneki titlaneltokaskej? Moneki tikchiuaskej ome tlamantli. Achto moneki tikneltokaskej toTajtsin Dios “onka” noso kajki, tla amo tikneltokaj ye kajki, amo uelis tikyolpaktiskej. Pero amo san non moneki porque amo kuali ejekamej noijki kimatij kajki toTajtsin Dios (Santiago 2:19). Tla tikneltokaj kajki, nochipa tikchiuaskej ken ye kipaktia (Santiago 2:20, 26).
Noijki, moneki tikneltokaskej toTajtsin Dios “kinmakas intlatliokolil” akinmej kitemoaj. Akin tlaneltoka mochijchikaua kiyolpaktis toTajtsin Dios uan kimatok satepan kiteochiuas (1 Corintios 15:58). Amo uelis tikyolpaktiskej toTajtsin Dios tla amo tikneltokaj ye kineki techteochiuas (Santiago 1:17; 1 Pedro 5:7). Amo tikixmatij toTajtsin Dios tla tikijtoaj ye amo techtlasojtla, amo kitekipachoa tlen techpanoa noso amo kineki kitemakas tlen kipia.
¿Akinmej kinteochiua toTajtsin Dios? Pablo okijto: “Akimeh kitemoah”. Se amochtli tlen kinpaleuia akinmej kitlajtolkopaj Biblia kijtoa nin tlajtoli “akimeh kitemoah” ika griego amo san kijtosneki tiktemoskej toTajtsin Dios, noijki moneki tikueyichiuaskej. Okse amochtli noijki kijtoa, non tlajtoli kijtosneki moneki timochijchikauaskej. Ik non, tikajsikamatij Jehová kinteochiua akinmej intlaneltokilis kinpaleuia ma kitlasojtlakan uan ma kiueyichiuakan (Mateo 22:37).
(Hebreos 11:33-38) Porke otlaneltokayah inawak Dios, yika okintlankeh oksikimeh paísmeh, iwa kuali otekiwajtikeh iwa okiselijkeh nochi tlan Dios okinmili kinmakas. Iwa okinkamatsakeh liomeh, 34 okinsewijkeh wejweyi tlemeh, oweletkeh omakiskeh ijkuak kinmiktiskia ika espada. Non okatka amo chikawakeh okiselijkeh chikawálistli iwa omotlamitoh chikawakeh kan momijmiktilo, iwa okintoktijkeh matsinkisakah n soldadojteh non inkokolikniwah. 35 Ika intlaneltokalis sikimeh siwameh, Dios okichi oksepa mamoyolitikah ichantlakawah non yomikkeh. Oksikimeh tlaneltokakeh mach okikajkeh Dios maya okintlaijyowiltijkeh, yej okimokawilijkeh makinmiktikah, ken yokimatiah moyolitiskiah iwa ijkó kiseliskeh ok se yankuik yolitílistli. 36 Oksikimeh okimpijpinawiayah teixpa iwa okinwitekeh, sikimeh okinmilpiayah ika kadena iwa oksikimeh okintsakuayah. 37 Sikimeh okinmiktijkeh ika tetl, sikimeh okintlajkotekeh ika serrote, iwa sikimeh okinmiktijkeh ika espada. Nika iwa nepa onentinemiah ken amo okinkawiliayah machanchiwakah, omotlakentijtinemiah sanwel ika inmewayo n ichkameh noso tentsomeh iwa satlawel próbesteh okatkah. Nochteh okintlawelitayah iwa okintlaijyowiltiayah. 38 Ninteh tokniwah okatkah saikpanoa kualteh n tlakah itech nin tlaltíkpaktli. Sentetl onentinemiah kan amaka chanti, kan tepeyo, ijtik kúyokteh iwa wejweyi kuevajteh.
w16.10 págs. 17, 18 párrs. 10, 11
Okachi ma titlaneltokakan itech tlen Jehová techmakas
10 Itech Hebreos tlakotonal 11 tlatitlanil Pablo okijto: “Ika intlaneltokalis sikimeh siwameh, Dios okichi oksepa mamoyolitikah ichantlakawah non yomikkeh. Oksikimeh tlaneltokakeh mach okikajkeh Dios maya okintlaijyowiltijkeh, yej okimokawilijkeh makinmiktikah, ken yokimatiah moyolitiskiah iwa ijkó kiseliskeh ok se yankuik yolitílistli” (Hebreos 11:35). Miakej itekipanojkauan Jehová maski otlajyouijkej okatkaj yolmelajkej pampa okineltokakej kinyolitiskiaj. Okimatiayaj satepan toTajtsin Dios oksepa kinyolitiskia uan nochipa chantiskej itech Tlaltikpak. Ma timokuayejyekokan itech tlen okipanok Nabot uan Zacarías. Okinmiktijkej ika tetl pampa okitlakamatkej toTajtsin Dios (1 Reyes 21:3, 15; 2 Crónicas 24:20, 21). Daniel okitlamotlakej kanin okatkaj leones tlen oapismikiayaj uan eyi iyolikniuan okintlamotlakej ijtik se horno tlen sapanoa okatka totonik. Okachi okinekiayaj kitlakamatiskej Jehová maski uelis mikiskiaj. Ninmej tlakamej okimatiayaj Jehová kinmakaskia iespíritu uan kinpaleuiskia ma kixikokan san tlen tlajyouilistli kipiaskiaj (Daniel 3:16-18, 20, 28; 6:13, 16, 21-23; Hebreos 11:33, 34).
11 Miakej teotlajtojkej, ken Micaya uan Jeremías, okinpinauijkej noso okintsakej pero otlaxikojkej. Uan ken Elías, sekimej teotlajtojkej “sentetl onentinemiah kan amaka chanti, kan tepeyo, ijtik kúyokteh iwa wejweyi kuevajteh”. Nochtin yejuan otlaxikojkej uan okatkaj yolmelajkej maski otlajyouijkej pampa ‘okichiayaj melauak ma pano’ tlen Jehová okinmilui (Hebreos 11:1, TNM; 36-38; 1 Reyes 18:13; 22:24-27; Jeremías 20:1, 2; 28:10, 11; 32:2).
Ma tiktemokan ken techpaleuia Biblia
(Hebreos 11:4) Abel otlaneltokaya inawak Dios, yika okimanili se tlamíktili iwa Dios okachi okitlasojkamah ke non de Caín. Dios okiseli Abel yolmilajka iwa okiseli itlamanal. Ijkó kiné, maya Abel yowejka omikki, ok techixtlamachtijtok itlaneltokalis.
it-1-S pág. 920 párr. 3
Tlaneltokalistli
Yiuejkika sekimej otlaneltokakej. Nochtin akinmej yiuejkika otlaneltokakej Pablo okijto okipiayaj chikauak intlaneltokilis porque itlaj okimatiayaj (Heb. 12:1). Abel okimatiaya toTajtsin Dios okijto ikaj kikuaxamaniskia koatl. Noijki okimatki toTajtsin Dios okinkixti itatajuan itech xochitlali Edén. Satepan Adán uan ikalchanejkauan otekipanoayaj chikauak para kipiaskiaj tlen kikuaskiaj porque toTajtsin Dios okiuijuikalti tlali, ik non, san omoskaltiaya xiuitl tlen uitsyo. Noijki xamo Abel okitak Eva sapanoa okinekiaya inamik ma kitlasojtla uan ma kimalui pero Adán san okinauatiaya. Xamo Eva noijki okilui Abel sapanoa otlajyouiaya ijkuak okinpiaya ikoneuan. Noijki ome querubines uan se espada tlen oxotlatoka uan omomalakachojtoka amo okikauayaj ikaj ma kalaki xochitlali Edén (Gén. 3:14-19, 24). Nochi nin okipaleui Abel ma kineltoka satepan ikaj kinmakixtiskia, ik non, okitemakak se tlamanali uan toTajtsin Dios “okachi okitlasojkamah” uan amo “non de Caín” (Heb. 11:1, 4).
(Hebreos 11:5, TNM) Enoc otlaneltokaya, ik non, toTajtsin Dios okichi ma poliui para amo tlajyouiskia ijkuak mikiskia uan ayakmo ikaj okajsik. Achto ijkon kipanoskia, okimatki okiyolpakti toTajtsin Dios.
wp17.1-S pág. 12, 13
Okimatki okiyolpakti toTajtsin Dios
¿Tlen kijtosneki toTajtsin Dios “okichi ma poliui” Enoc? Xamo toTajtsin Dios okichi ma ixpoliui pero ika miak tlasojtlalistli porque amo okinekiaya oksekimej ma kitlajyouiltikan. Pero ¿ken okimatki Enoc “okiyolpakti toTajtsin Dios”? Xamo toTajtsin Dios okinextili ken tlaltikpak mochiuaskia se xochitlali. Satepan ijkuak okimatki toTajtsin Dios okiseli, oixpoliuik. Tlatitlanil Pablo okijto tlen okipanok Enoc uan oksekimej itekipanojkauan Jehová, ye okijto: “Nochteh ninteh tlakah otlaneltokakeh asta omikkeh” (Hebreos 11:13). Ijkuak yoixpoliuik, xamo akinmej okikokoliayaj okitemojkej pero amo okajsikej porque Jehová okichi ma poliui. Ijkon amo okinkauili itlalnakayo ma kichiuilikan tlen amo kuali. Xamo noijki kinekiskiaj kitekitiltiskej ijkuak okinueyichiuayaj inteotsitsiuan pero Jehová amo okinkauili.
23-29 DE SEPTIEMBRE
KEN TECHPALEUIA BIBLIA | HEBREOS 12, 13
“Jehová techititia techtlasojtla ijkuak techyektlalia”
(Hebreos 12:5) Nomejwah yononkilkajkeh kenijki Dios kinnonotsa akimeh ipilwah. Ijkí kijtoa n tiotlajkuiloli: Nokone, amo san xikawilmati ijkuak Toteko Dios mitsnonotsa, nion ximosotlawa ijkuak chikawak mitsajwa.
w12-S 15/3 pág. 29 párr. 18
Amo xikilnamikto tlen achto otikchiuaya
18 Ijkuak techyektlaliaj. ¿Ikaj yotechyektlali noso otechnojnotski? Tla techkualania tlen otechiluijkej san timoyolkokojtoskej uan timosotlauaskej (Heb. 12:5). Xamo tikijtoskej tlen otechiluijkej amo melauak noso timosotlauaskej uan ayakmo tikchiuaskej tlen otechiluijkej, tla ijkon tikchiuaskej, amo timoyektlaliskej uan amo kuali tiyetoskej. Okachi kuali tiyetoskej tla tikchiuaskej tlen okijto Salomón: “Xikseli ijkuak mitsyektlaliaj uan amo xikixtopeua. Xikilnamikto porque ijkon tiyoltos” (Prov. 4:13). Moneki tikchiuaskej ken kichiuaj akinmej kinejnemitiaj se carro: ijkuak kitaj se letrero san niman kitlakamatij (Prov. 4:26, 27; xiktlajtolti Hebreos 12:12, 13).
(Hebreos 12:6, 7) Porke Toteko Dios kimilawa akin kitlasojtla, iwa kitsonwiteki akin kiselia kemi ikone. 7 Xikxikokah keman Dios nomechmilawa, porke amo onka se teta non amo kimilawa ikone.
w12-S 1/7 pág. 21 párr. 3
“Ijkuak non motiotsajtsiliskeh, ijkí xikijtokah: Totajtsi Dios”
Tla se tetaj kintlasojtla inkoneuan, kitekipachoa tlen kichiuaskej ijkuak moskaltiskej, ik non, kinyektlalia (Efesios 6:4). Maski kinyekiluia tlen moneki kichiuaskej amo kintlajyouiltia. Noijki ijkon toTajtsin Dios ualeua noijki kita moneki techyektlalis pero amo techtlajyouiltia. Ye techititia techtlasojtla ijkuak techyektlalia. Noijki ijkuak Jesús okinpaleui imachtijkauan uan okinyektlali, amo keman okintlajyouilti, maski okitayaj oui kichiuaskej tlen okinmiluiaya (Mateo 20:20-28; Lucas 22:24-30).
(Hebreos 12:11) Ijkuak aka techmilawa, amo tikwelitah, porke techkokoa. Pero akin moyektlalia kipias yolsewílistli iwa yeknemis.
“Techkakikan ijkuak namechyektlalia uan xiyetokan nanixtlamatkej”
18 Xamo timoyolkokoskej ijkuak techyektlaliskej pero tla amo tikseliskej, okachi timoyolkokoskej (Heb. 12:11). Ma tikitakan ome neskayomej: tlen okipanok Caín uan ueyi tekiua Sedequías. Ijkuak Jehová okitak Caín okikokoliaya ikni uan okinekiaya kimiktis, okilui: “¿Tleka sapanoa tikualani uan timoyolkokoa? Tla tikchiuas tlen kuali, ¿amo oksepa nimitsselis? Pero tla amo tikchiuas tlen kuali, tlajtlakoli san mitschixtok uan kineki mitsnauatis pero ¿uelis tikixnamikis?” (Gén. 4:6, 7). Pero Caín amo okikak Jehová uan okimikti ikni. San ye okimotemoli tlajyouilistli (Gén. 4:11, 12). Caín amo ijkon tlajyouiskia tla kiseliskia Jehová ma kiyektlali.
Ma tiktemokan ken techpaleuia Biblia
(Hebreos 12:1) Yika, tejwah noiwah, non tikateh intlajko miakeh tokniwah non kuali yokiteititijkeh intlaneltokalis, matiktlakaltechokah nochi tlan techtsakuilia, n tlajtlákoli non techijilpia. Iwa ika miak yolchikawálistli matimotlelokah itech nin ojtli non kajki toyakapa.
w11-S 15/9 pág. 17 párr. 11
“Ika miak yolchikawálistli matimotlelokah”
11 Ijkuak Biblia kijtoa tikatej “intlajko miakeh tokniwah”, amo kijtosneki san kitaj tlen panotok. Amo yetoskia ken san kinmitaj akinmej mauiltiaj para tlatlaniskej noso san kinekij ikaj ma tlatlani. Ompa katej para kinyolchikauaskej. Noijki kimatij tlen kinmiluiskej para kinpaleuiskej porque achto yejuan noijki ijkon omotlalojkej uan otlatlankej. Maski oixpolikej, iTlajtol toTajtsin Dios kijtoa yejuan techyolchikauaj, ik non, yetoskia ken ok yoltokej. Tikmatiskej yiuejkika sekimej noijki omochijchikajkej kuali kitekichiuiliskej Jehová, techpaleuia noijki okachi kuali ma tiktekichiuilikan. Noijki techititiaj uelis tikchiuaskej ken yejuan uan maski oui noijki uelis titlatlaniskej. Tla timokuayejyekoaj tlen okichijkej, techpaleuis amo ma timosotlauakan. Tlen okinmiluijkej tokniuan hebreos okinyolchika uan axkan tejuan noijki techpaleuia.
(Hebreos 13:9) Yika, amo xikintlakitakah tlamachtílisteh non amo keman mokakih. Okachi kuali matechchikawa itlasojtlalis Dios, iwa amo n tlamachtílisteh non kijtoah tlan se weletis kikuas iwa tlan amó, porke nonteh tlamachtílisteh amitla techpalewiah.
w89-S 15/12 pág. 22 párr. 10
Ma tikmakakan tlen kiyolpaktis toTajtsin Dios
10 Ik non, tokniuan hebreos amo omonekiaya kineltokaskej ijkuak sekimej okijtoayaj omonekiaya kichiuaskej tlen yiuejkika okichiuayaj (Gálatas 5:1-6). Tlen yejuan otlamachtiayaj amo kinpaleuiskia, san toTajtsin Dios kinpaleuiskia ma kimatikan tlen melauak. Sekimej omokualaniayaj ijkuak okitayaj tlen okikuayaj oksekimej uan tlen kitemakaskiaj ken tlamanali. Pablo okinmilui amo kinpaleuiskia ma kipiakan chikauak intlaneltokilis ika tlen ‘okikuayah iwa tlan amó, porke nonteh tlamachtílisteh amitla okinpalewiayahʼ. Kinpaleuiskia ma kipiakan chikauak intlaneltokilis tla nemiskiaj ken Jehová kineki uan tla kipatioitaskiaj Jesús okinmakixtiko uan amo tla kintekipachoskia tlen okikuayaj uan tla ‘omosewiayah itech se tonatiʼ (Romanos 14:5-9). Noijki ayakmo omonekiaya levitas ma kitemakakan se tlamanali porque Jesús okitemakak inemilis (Hebreos 9:9-14; 10:5-10).
30 DE SEPTIEMBRE-6 DE OCTUBRE
KEN TECHPALEUIA BIBLIA | SANTIAGO 1, 2
“¿Tlen kichiua ma titlajtlakolchiuakan uan ma timikikan?”
(Santiago 1:14) Mach ijkó, se tlakatl wetsi itech tlajtlákoli ijkuak kimokawilia makiyoltilana tlan amokuali mokuatlapowijtok.
g17.4-S pág. 14
Techyoltilana
Ijkuak itlaj techyoltilana ualeua amo tikxikoaj uan tikchiuaj tlen amo kuali. Ma tikijtokan otimotlakouito uan tikita itlaj tlen mitspaktia, xamo timokuayejyekos amikaj mitsitas uan amo oui tikichtekis. Pero te tikmatok non amo kuali, motlalnamikilis mitspaleuia uan timochijchikaua ayakmo timokuayejyekos tikichtekis uan amo ijkon tikchiua maski mitsyoltilana.
BIBLIA KIJTOA
Tla ualeua tiknekij itlaj amo kuali tikchiuaskej amo kijtosneki amo tiyolkualmej. ITlajtol toTajtsin Dios kijtoa ualeua tinochtin itlaj techyoltilana (1 Corintios 10:13). Okachi ipati tlen tikchiuaj ijkuak ijkon techpanoa. Sekimej san mokuayejyekojtokej kichiuaskej tlen kinekij, satepan kichiuaj tlen kinyoltilana. Oksekimej san niman kipatlaj ken mokuayejyekoaj porque kimatij non amo kuali.
“Se tlakatl wetsi itech tlajtlákoli ijkuak kimokawilia makiyoltilana tlan amokuali mokuatlapowijtok” (Santiago 1:14).
(Santiago 1:15) Yika, tlan amokuali tikyejyekolia tlaakati n tlajtlákoli, iwa ijkuak moskaltia n tlajtlákoli techmiktia.
g17.4-S pág. 14
Techyoltilana
ITlajtol toTajtsin Dios kijtoa ken ikaj tlajtlakolchiua. Santiago 1:15 kijtoa: “Tlan amokuali tikyejyekolia tlaakati n tlajtlákoli”. Non kijtosneki ijkuak amo timochijchikauaj tikixtopeuaskej tlen techyoltilana ayakmo ueli tikilkauaskej uan tikchiuaskej tlen amo kuali. Amo uelis tiktsakuiliskej ma pano tlen amo kuali ijkon ken se siuatl amo uelis kitsakuilis ma nesi ikone. Pero tinochtin uelis tikixtopeuaskej tlen techyoltilana uan amo tikkauiliskej ma technauati.
Ma tiktemokan ken techpaleuia Biblia
(Santiago 1:17) Nochi tlan kuali iwa yekmilajka wits de ilwikak iwa Dios techmaka. Inewia Dios okinchijchi n sítlalteh non kateh ilwikak, iwa ayik kipatlas.
it-2-S pág. 263 párr. 3
Tlauili
Jehová “okinchijchi n sítlalteh non kateh ilwikak” (Sant. 1:17). Ye amo san kichiua ma techtlauili tonaltsin, metstli uan sitlalimej (Jer. 31:35). Noijki yetoskia ken techtlauilia ijkuak techpaleuia ma tikajsikamatikan iTlajtol (2 Cor. 4:6). Itlanauatiluan tlen ika tlaixkomaka uan iTlajtol yetoskia ken se tlauili tlen ika kinyekana akinmej kinekij ma kinpaleui (Sal. 43:3; 119:105; Prov. 6:23; Is. 51:4). Salmista okijto: “Ika motlauil ueli tikitaj tlauili” (Sal. 36:9; noijki xikita Sal. 27:1; 43:3). Ijkon ken tonaltsin monextijti “hasta kuali tlanesi”, ijkon innemilis akinmej yolmelajkej porque toTajtsin Dios kintlauilia uan okachi kiteititiaj yolmelauakej (Prov. 4:18). Tla tikpiaj tonemilis ken Jehová kineki, yetoskia ken tinemij itech itlauil (Is. 2:3-5). Pero ijkuak ikaj itlaj kita uan mokuayejyekoa tlen amo kuali, yetoskia ken kajki kanin tlayoatok. Jesús okijto: “Pero tla nomoixtololowah tlajtlakolchiwah, nochi nomokuerpo kajki kan tleyua. Iwa tla motlawil ayakmó tlawia, kijtosneki nonkateh kan sentleyua, ¡saikpanoa tliliktik yetos non sentleyuálistli nomotech!” (Mat. 6:23; noijki xikita Deut. 15:9; 28:54-57; Prov. 28:22; 2 Ped. 2:14).
(Santiago 2:8) Ijkó kiné, tla milák nonkiyekchiwah tlan kijtoa n weyi tlanawátili: “Xiktlasojtla mokni kemi te timotlasojtla”, yompa tlan nonkichiwah.
Ma tikmachtikan totlalnamikilis ika tlanauatilmej uan ika principios bíblicos
15 ¿Tlen tlanauatil okachi miak ipati? Ma timotlasojtlakan. Jesús okinmilui imachtijkauan: “Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:35). Santiago itlakpa ikni Jesús, okijto “weyi tlanawátili” (Sant. 2:8). Uan Pablo okijto: “Yika akin milák tetlasojtla, ika noni ya kichijtok nochi tlan kijtoa n tlanawátili” (Rom. 13:10). Biblia techiluia ma titetlasojtlakan porque toTajtsin Dios “Ye n tlasojtlálistli” (1 Juan 4:8). ToTajtsin Dios amo san kimachilia tetlasojtla. Kiteititia tetlasojtla ika tlen kichiua. Juan okijkuilo: “Dios otechnextili techtlasojtla, ijkuak okwaltítlanki Cristo itech nin tlaltíkpaktli non san Ye se Ikone, para matikpiakah yolílistli por Cristo” (1 Juan 4:9). Tikteititiaj tikpiaj chikauak totlaneltokilis ijkuak tikteititiaj tiktlasojtlaj Jehová, Jesús, tokniuan uan oksekimej (Mat. 22:37-39).
© 2019 Watch Tower Bible and Tract Society of Pennsylvanias