¿Kichiuaj ken Cristo iTlaixpantijkauan Jehová?

Kema. Matikitakan seki tlamantli tlen ijkon kiteititia:

• Timochijchikauaj tikchiuaskej ken Jesucristo uan noijki tlen otlamachti (1 Pedro 2:21).

• Tikneltokaj tlen kichiua Jesús miak ipati uan uelis timomakixtiskej, porque “mach onka ok se tlakatl akin weletis techmakixtis, porke Dios mach otechmák ok se tlakatl itech nin tlaltíkpaktli para inawak matimomakixtikah” (Hechos 4:12).

• Ijkuak timochiuaj iTlaixpantijkauan Jehová, timoapolaktiaj itech itoka Jesús (Mateo 28:18, 19, TNM).

• Tiktlatlaujtiaj Jehová ika itoka Jesús (Juan 15:16).

• Tikneltokaj Jesús kiyekana tlakatl (1 Corintios 11:3).

Pero onka seki tlamantli tlen kiteititia tejuan amo tikchiuaj ken oksekimej tlen kijtouaj kichiuaj ken Cristo. Se neskayotl, tikmatij Biblia kijtoua Jesús iKone toTajtsin Dios uan amo se Trinidad (Marcos 12:29). Noijki tikneltokaj alma miki uan noijki Biblia kijtoua toTajtsin Dios amo kintlajyouiltia ijtik tlitl akinmej yomikej, noijki tikneltokaj tlayekankej teopixkej amo moneki makinueyichiuakan (Eclesiastés 9:5; Ezequiel 18:4; Mateo 23:8-10).