TLAKUIKALI 159
Xikueyichiua Jehová
(Salmo 96:8)
1. Tejuatsin tiueyititok,
nochi moaxka Jehová.
Nochipa tinechtlasojtla,
¿ken uelis nimitstlaxtlauis?
Nikita itech iluikak
tisanto, tichikauak.
¿Akin ne para techmaluis?
¿Uan tleka tinechselia?
(ESTRIBILLO)
Te tinoDios, nimitstlakuikilis.
¡Kuali titlanauatis!
Xikseli tlen mitsmaka noyolo.
Kuali ne nimitskakis,
san nikneki xipaki.
2. Nochipa nimitstlasojtlas
uan amo nimitskauas.
Niktematiltis motoka
uan nikijtos tiyolkuali.
Nipaki mouan niyetos,
kuali nimitsixmati.
¿Akin monauak nechxelos?
Tejuatsin otechpejpenki.
(ESTRIBILLO)
Te tinoDios, nimitstlakuikilis.
¡Kuali titlanauatis!
Xikseli tlen mitsmaka noyolo.
Kuali ne nimitskakis,
san nikneki xipaki.
3. Kualtsin tlamota tlaltikpak,
tlakpak onka tlauili.
Nochi nechtlajtlachialtia,
nikita tiixtlamatki.
Tejuatsin nochi techmaka:
ejekatl, xochitl uan atl,
tlakilotl, tlakuali uelik
uan kiauitl tlen tlaselia.
(ESTRIBILLO)
Te tinoDios, nimitstlakuikilis.
¡Kuali titlanauatis!
Xikseli tlen mitsmaka noyolo.
Kuali ne nimitskakis,
san nikneki xipaki.
(Noijki xikita Sal. 96:1-10; 148:3, 7).