Moneki tikmatiskej tlen amo kuali

Se tonal, sekimej telpokamej okintlajtlakoltijkej okinekiayaj motekaskej iuan se telpochtli ijkuak oyayaj momachtitiuij. Nochtin ninmej telpokamej omomachtiayaj itech se escuela tlen sapanoa moixmati ompa Canadá. Satepan, se tlakatl itoka Leonard Stern okijkuilo itech se periódico itoka Ottawa Citizen, okijto: “Maski telpokamej yetoskej ixtlamatkej, momachtiskej uan kipiaskej miak tomin, nochipa kichiuaskej tlen amo kuali”.

Noijki okijto: “Tetajmej moneki ma kinmachtikan inkoneuan tlen kuali uan tlen amo kuali. Pero miakej tetajmej kinekij okachi ma momachtikan inkoneuan uan ijkon kitlaniskej miak tomin”.

Moneki ma momachtikan telpokamej uan ichpokamej. Pero nin amo kijtosneki kinpaleuia ayakmo ma kichiuakan tlen amo kuali. Tla ijkon, ¿tlen techpaleuis nochipa ma tikchiuakan tlen kuali?

BIBLIA TECHPALEUIA MA TIKCHIUAKAN TLEN KUALI

Biblia yetoskia ken se teskatl. Ijkuak tiktlajtoltiaj, techpaleuia ma tikitakan tlen tiknekij tikchiuaskej uan tlen amo uelis tikchiuaskej (Santiago 1:23-25). Noijki Biblia techpaleuia ma titeiknomatikan, ma titetlasojtlakan, ma tikmatikan ken timonauatiskej uan ijkon tikpiaskej yolseuilistli uan kuali timouikaskej iuan oksekimej. Ik non, Biblia kijtoa “tlasojtlálistli, ye tlan techyekseitilia” (Colosenses 3:14). ¿Tleka tlasojtlalistli miak ipati? Ma tikitakan tlen kijtoa Biblia.

• “Akin tetlasojtla, kimati texikoa; semi yolyámanki iwa amo xikojmiki; amo xankuatl nion moweyilia. Amo tlawijwikaltia nion kitemoa san tlan ye kipaktia; amo kimati kualani nion tekokolia. Amo paki ijkuak kinmita oksikimeh tlaijyowiah por intlajtlakol, yej paki ijkuak pankisa tlan milák. Akin tetlasojtla nochi kijyowia [...] iwa nochi kixikoa. N tlasojtlálistli ayik tlamis” (1 Corintios 13:4-8).

• “Akin kimati tetlasojtla, amo kinchiwilia tlan amokuali n oksikimeh” (Romanos 13:10).

• “Ximosepantlasojtlakah, porke akin milák tetlasojtla, kimati tetlapojpolwia” (1 Pedro 4:8).

Melauak ijkon techpanoa ijkuak tikatej iuan akinmej tikintlasojtlaj. Kuali timomachiliaj porque kinekij kuali ma tiyetokan uan amitlaj techchiuiliskej.

Tla titetlasojtlaj, tikinchiuiliskej tlen kuali oksekimej uan ayakmo tiknekiskej tikchiuaskej tlen amo kuali. Ma tikitakan tlen okipanok se tlakatl tlen tiktokayotiskej George. Ye okinekiaya kixmatis ixui. Pero ye sapanoa otlachichinaya uan imo amo okinekiaya ma tlachichina ixpan konetl. ¿Tlen okichi George? Maski yotlachichinaya kanaj cincuenta xiuitl, ayakmo otlachichinki porque okinekiaya yetos iuan ixui. Ijkon tikchiuaskej tla titetlasojtlaj.

Ijkuak tinesij amo titetlasojtlaj, ik non, tetajmej moneki kinmachtiskej inkoneuan ma tetlasojtlakan. Tetajmej kintlamakaj inkoneuan, kinmaluiaj, kinpaleuiaj tla itlaj kinpanoa noso ijkuak mokokoaj. Tetajmej tlen kintlasojtlaj inkoneuan inmiuan motlapouiaj uan kinmixtlamachtiaj. Noijki kinnojnotsaj uan kinmachtiaj tlen kuali uan tlen amo kuali. Ik non, tetajmej mochijchikauaj kichiuaj tlen kuali uan ijkon kinmachtiaj inkoneuan ma kichiuakan.

Teyolkoko porque sekimej tetajmej amo kuali kinmixtlamachtiaj inkoneuan. Pero ¿kijtosneki konemej nochipa kichiuaskej tlen amo kuali? Amo. Porque sekimej tlen omoskaltijkej inmiuan intatajuan tlen sapanoa omokualaniayaj uan okichiuayaj tlen amo kuali, axkan yejuan tetlasojtlaj uan kipatioitaj innemilis. Noijki sekimej tlen omotaya amo keman kipatlaskiaj innemilis, axkan okse tlamantli inyelis.