Sekimej techtlajtlaniaj

Tla ome tokniuan amo yimonamiktiaj mokauaj inselti se yoak, ¿kijtosneki yotlajtlakolchijkej uan moneki kinchiuiliskej comité judicial?

Kema. Tla amo onka itlaj tlen kiteititia tleka inselti omokajkej non yoak uan nochi kiteititia oauilnenkej, moneki kinchiuiliskej comité judicial (1 Cor. 6:18).

Tlayekankej kitaj miak tlamantli para kimatiskej kox moneki kinchiuiliskej comité judicial. Moneki kintlajtlaniskej: “¿Yinovios? ¿Kox inmiuan yomotlapouijkej tlen amo moneki kichiuaskej ijkuak san sekan katej? ¿Tleka inselti omokajkej non yoak? ¿Yomotlapouijkaj inselti mokauaskiaj? ¿Itlaj opanok, ik non, omonekiaya inselti mokauaskej? ¿Uelis itlaj kichiuaskiaj para amo inselti mokauaskiaj?” (Ecl. 9:11). ¿Kanin okochkej? Tlayekankej moneki kitaskej okseki tlamantli para kimatiskej tlen kichiuaskej.

Ijkuak tlayekankej yokitakej nochi tlen opanok, yejuan kijtoskej kox kinchiuiliskej comité judicial.