Watchtower AMATLAJKUILOLMEJ ITECH INTERNET
Watchtower
AMATLAJKUILOLMEJ ITECH INTERNET
náhuatl del centro
  • BIBLIA
  • AMATLAJKUILOLMEJ
  • NECHIKOLMEJ
  • w18 noviembre pág. 31
  • Sekimej techtlajtlaniaj

Amitlaj video.

Techtlapojpolui, amo ueli otikkixtijkej video.

  • Sekimej techtlajtlaniaj
  • Akin Tetlapouijtok Kitematiltia Itekiuajkayo Jehová—2018
  • Okseki tlamachtilmej
  • Tlaixkopinal tlen kinextia xiuitl ijkuak opanok se tlamantli
    Biblia ¿tlen techiluia?
Akin Tetlapouijtok Kitematiltia Itekiuajkayo Jehová—2018
w18 noviembre pág. 31

Sekimej techtlajtlaniaj

¿Akinmej okinmiluiayaj “kualteh n tlakah” uan tleka?

Kuali tlakatl tlen yiuejkika okatka

Ijkuak yikimiktiskiaj Jesús, okinmilui imachtijkauan amo ma kitekauilikan ma kinpatioitakan oksekimej. Okinmilui: “Reyes moweyiliah iwa kinnajnawatiah n tlakah de non altepetl, iwa n tlakah de non altepetl kinnotsah kualteh n tlakah. Pero nomejwah amo ijkó xikchiwakah” (Luc. 22:25, 26).

¿Akinmej okinnotsayaj “kualteh n tlakah”? Griegos uan romanos okintlakaitayaj tekiuajkej, ik non, okijkuiloayaj itlaj itech tomin uan itech okseki tlamantli. Noijki okinnotsayaj “kualteh n tlakah” uan ika griego moijtoa euerguétes noso evérgetes. Ijkon okinmiluiayaj nonmej tlakamej porque okinpaleuiayaj oksekimej.

Miakej tekiuajkej okinnotskej “kualteh n tlakah”. Se omotokayoti Tolomeo III uan okse Tolomeo VIII, yejuan otlanauatijkej Egipto. Noijki Julio César uan Augusto, otlanauatijkej Roma. Herodes el Grande otlanauati Judea. Ye xamo ijkon okitokayotijkej porque okitemakaya trigo ompa ialtepe uan noijki okinmakaya tlakemitl akinmej amo itlaj okipiayaj.

Se biblista itoka Adolf Deissmann okijto ijkuak ikaj kiluia ‘kuale tlakatl’ miak tlamantli kijtosneki. Okijto: “Moneki sapanoa timajxiliskej para tikitaskej nochi tlen kijtoa itech nin tlajtoli”.

Ik non, ¿tlen kijtosneki ijkuak Jesús okinmilui amo ma kinmiluikan “kualteh n tlakah”? ¿Okinmilui amo ma motekipachokan itech oksekimej? Amo. Ye okitekipachoaya tlen timokuayejyekoaj ijkuak tiktemakaj tlen tikpiaj.

Ijkuak Jesús nikan okatka, akinmej okipiayaj miak tomin okinyekanayaj akinmej omauiltiayaj uan okichiuayaj okseki tlamantli. Noijki okinchijchiuayaj parques uan teopanmej. Pero ijkon okichiuayaj porque okinekiayaj oksekimej ma momatlaxkalokan, miakej ma kinmixmatikan noso okinekiayaj ma kinpejpenakan para itlaj kichiuaskiaj. Se amochtli kijtoa: “Maski miakej kitemakaj tlen kipiaj, nochipa ijkon okichiuayaj porque itlaj okinekiayaj kipiaskej”. Jesús amo okinekiaya imachtijkauan ma tlaixnekikan uan ma moueyinekikan.

Tlatitlanil Pablo okinmilui akinmej ochantiayaj Corinto ma kitemakakan ika nochi inyolo tlen okipiayaj. Ik non, okinmilui: “Xiktemakakah ijkó kemi yononkitlalijkeh itech nomoyolo, amo manomechixkoko nion xiktemakakah ijkuak nomechchijchikawah, porke Dios kitlasojtla akin kitemaka ika pakílistli” (2 Cor. 9:7).

    Amatlajkuilolmej ika Náhuatl del centro (1993-2026)
    Nikan tiktsakuas
    Nikan tikpeualtis
    • náhuatl del centro
    • Xiktitlani
    • Uelis tikpatlas seki tlamantli
    • Copyright © 2025 Watch Tower Bible and Tract Society of Pennsylvania
    • Tla tikneki tikitas
    • Amo ikaj uelis kitas
    • Configuración de privacidad
    • JW.ORG
    • Nikan tikpeualtis
    Xiktitlani