¿Otikmatiaya?

¿Tleka yiuejkika israelitas okitlaxtlauayaj ijkuak monamiktiskiaj?

YIUEJKIKA ijkuak israelitas monamiktiskiaj, okintlaxtlauiliayaj ika seki tlamantli tlen patio akinmej yetoskiaj imontajuan, uelis kinmakaskiaj yolkamej noso tomin. Uelis kintlaxtlauiliskiaj ijkuak tekipanoskiaj para yejuan, ken okichi Jacob ijkuak ayamo omonamiktiaya iuan Raquel. Ye okilui itajtsin Raquel tekipanoskia chikome xiuitl (Gén. 29:17, 18, 20). ¿Tleka yiuejkika ijkon okichiuayaj?

Se ixtlamatki tlen itoka Carol Meyers okijto: “Se israelita okinmakaya seki tlamantli akinmej yetoskiaj imontajuan porque inovia ayakmo kinpaleuiskia. Non okinpaleuiaya ijkuak otlatokayaj para kipiaskiaj tlen ika mopanoltiskiaj”. Noijki okinpaleuiaya kuali ma mouikakan ome familias uan tla se familia tlajyouiskia okse kipaleuiskia. Ijkuak se israelita okitemakaya itlaj, okiteititiaya monamiktiskia iuan inovia uan ye kimaluiskia, ayakmo itatajuan.

Ijkuak se israelita okitemakaya itlaj tlen patio amo okiteititiaya okikouaya inovia noso okinemakayaj. Amochtli Instituciones del Antiguo Testamento okijto: “Ijkuak se israelita okimakaya tomin noso okseki tlamantli ifamilia inovia, xamo omotaya ken okikouaya siuatl. Pero [...] non amo kijtosneki okikouaya, non yetoskia ken se tetliokolil tlen okimakaya itatajuan”.

Axkan itech seki altepemej ok kitemakaj itlaj patio. Tla tokniuan amo kitlajtlaniliaj miak tlamantli se tokni, oksekimej kitaskej yejuan teajsikamatij (Filip. 4:5; 1 Cor. 10:32, 33). Ijkon yejuan kiteititiskej amo kinekij kipiaskej miak tomin (2 Tim. 3:2). Tla tokniuan amo kitlajtlaniliaj miak tomin non tokni, ye amo sapanoua tekipanos para kinmakas uan ijkon uelis monamiktis iuan inmichpoch tonal tlen okijtojkej uan tla precursor amo san motekipachojtos kinmakas tlen kitlajtlaniliaj uan uelis kitekichiuilijtos Jehová.

Itech seki altepemej tekiuajkej kijtouaj tlen uelis kitlajtlaniskej tetajmej ijkuak inmichpochuan monamiktiskej. Tla ompa chantij iTlaixpantijkauan, Jehová moneki kintlakamatiskej nonmej tlanauatilmej (Rom. 13:1; Hech. 5:29).