15 Wenza insika ezimbili zekhopha.+ Insika ngayinye yayizingalo ezingu-18 ubude njalo kwakungadingeka intambo ezingalo ezingu-12 ukuyithandela yonke.+ 16 Wenza leziduku* ezimbili ngekhopha ukuze zifakwe phezu kwezinsika. Esinye isiduku sasizingalo ezinhlanu ubude, lesinye sizingalo ezinhlanu ubude. 17 Isiduku esasiphezu kwensika ngayinye sasiceciswe ngesefa eyenziwe ngamaketane amancane ayephothwe njengentambo.+ Esinye isiduku sasilayisikhombisa, lesinye silayisikhombisa. 18 Waphinda wabumba imiceciso enjengezithelo zamaharinathi. Imiceciso le wayenza yaba yimizila emibili wayifaka esefeni ngayinye ukuze icecise iziduku ezaziphezu kwezinsika. Wayifaka ezidukwini zombili. 19 Ingxenye ephezulu yeziduku lezi ezaziphezu kwezinsika ezisevurandini yayibunjwe yafana lamaluba futhi yayizingalo ezine ubude. 20 Iziduku lezi zazihlezi phezu kwensika ezimbili, phezu kwengxenye eyisigombolozi ebambene lesefa. Emizileni emibili eyayigombolozele isiduku ngasinye kwakulemiceciso engu-200 enjengamaharinathi.+

21 Wamisa insika zevurandi lethempeli.*+ Eyinye insika wayimisa esandleni sokudla* wayibiza ngokuthi nguJakhini,* eyinye wayimisa esandleni senxele* wayibiza ngokuthi nguBhowazi.*+ 22 Phezulu insika lezi zazenziwe zafana leluba. Waphela-ke umsebenzi wokwenza izinsika.

17 Insika ngayinye yayizingalo* ezingu-18 ubude.+ Isiduku* esasiphezu kwayo sasingesekhopha futhi sasizingalo ezintathu ubude. Isefa lemiceciso yamaharinathi eyayigombolozele isiduku kwakubunjwe ngekhopha.+ Insika yesibili lesefa yayo lakho kwakunjalo.

11 UHiramu wenza lamakani lamafotsholo kanye lemiganu.+

Wawuqeda umsebenzi ayewenzela iNkosi uSolomoni endlini kaNkulunkulu weqiniso.+ Nanku akwenzayo: 12 Wenza insika+ ezimbili leziduku ezifana lodiwo ezaziphezu kwensika lezo. Wenza lamasefa+ ekhopha amabili ayevala iziduku lezo ezaziphezu kwezinsika, 13 lemiceciso engu-400 eyayibunjwe njengamaharinathi,+ wayifaka emasefeni womabili. Isefa ngayinye yayilemizila emibili yemiceciso le ukuze yembathise iziduku ezifana lodiwo ezaziphezu kwensika ezimbili.+

22 Isiduku* esasiphezu kwayo sasingesekhopha futhi sasizingalo ezinhlanu ubude.+ Isefa lemiceciso yamaharinathi eyayigombolozele isiduku kwakubunjwe ngekhopha. Insika yesibili layo yayinjalo kanye lamaharinathi ayo. 23 Emaceleni kwakulemiceciso yamaharinathi engu-96. Yonke imiceciso yamaharinathi eyayisemasefeni yayingu-100.+