17 Inkosi yabatshela ukuthi bagebhe amatshe amakhulu aligugu+ futhi bawabaze.+ Amatshe la ayezasetshenziswa nxa sekusakhiwa isisekelo+ sethempeli.

9 Zonke izakhiwo lezi zazakhiwe ngamatshe adulayo.+ Ayequnywe ngesilinganiso esifaneleyo njalo esahwe ngesaha yamatshe emaceleni wonke. Kwakwakhiwe ngawo kusukela ezisekelweni kuze kuyefika phezulu futhi kwakunjalo laphandle kuze kuyefika egumeni elikhulu.+ 10 Izisekelo zazakhiwe ngamatshe amakhulu adulayo. Amanye akhona ayezingalo ezingu-10, amanye ezingalo ezingu-8. 11 Phezu kwawo kwakulamatshe adulayo kanye lamapulanka omsedari. Amatshe la ayequnywe ngesilinganiso esifaneleyo. 12 Umduli weguma elikhulu wawakhiwe ngamatshe abaziweyo ayeyimizila emithathu, kwafakwa lamapulanka amakhulu omsedari, njengasegumeni lendlu kaJehova elingaphakathi+ lasevurandini lendlu.+