IHubo

2 Kungani izizwe zixokozela

Labantu benyenyezelana into engelamsebenzi?*+

 2 Amakhosi omhlaba aselungele ukulwa,

Iziphathamandla ziyabuthana* zingqondonye,+

Zifuna ukulwa loJehova logcotshiweyo wakhe.*+

 3 Bathi: “Asiqamuleni amaketane abasibophe ngawo,

Silahlele khatshana intambo zabo!”

 4 Lowo ohlezi esihlalweni sobukhosi ezulwini uzahleka,

UJehova uzabahleka ubuthutha.

 5 Uzabethusa ngolaka lwakhe oluvuthayo

Akhulume labo ezondile,

 6 Athi: “Inkosi engiyikhethileyo isiqalisile ukubusa.+

 7 Ngizamemezela lokho uJehova akukhulumileyo,

Uthe kimi: “Wena uyindodana yami,+

Lamuhla sengibe nguyihlo.+

 8 Cela kimi, ngizakupha izizwe zibe lilifa lakho,

Lomhlaba wonke ube ngowakho.+

 9 Uzabachoboza ngentonga yensimbi,+

Ubaphahlaze angathi uphahlaza imbiza yomdaka.”+

10 Ngakho-ke hlakaniphani lina makhosi,

Livume ukuqondiswa* lina bahluleli bomhlaba.

11 Khonzani uJehova ngokwesaba,

Lithokoze lithuthumela.

12 Hloniphani* indodana+ ukuze uNkulunkulu angalithukutheleli

Beselitshabalala,*+

Ngoba ulaka lwakhe luyaphangisa ukuvutha.