UHabakhukhi
1 Isimemezelo esatholwa ngumphrofethi uHabakhukhi* embonweni:
2 Kuzaze kube nini awu Jehova ngilokhu ngikhalela uncedo kodwa ungangizwa?+
Kuzaze kube nini ngikhala ngodlakela kodwa ungenzi lutho?+
3 Kungani ungiyekela ngibona okubi?
Kungani ubekezelela abantu abahlukuluza abanye?
Kungani impahla zabantu zithunjwa futhi kulodlakela olungaka?
Kungani abantu behlala bexabana futhi besilwa?
4 Umthetho awuselamandla,
Akulamuntu owahlulela kuhle.
Ababi bacindezela abalungileyo,
Yikho kungekho ukwahlulela okuhle.+
5 “Khangelani ezizweni libone!
Lizasala libambe owangaphansi
Ngoba kukhona okuzakwenzakala ezinsukwini zenu,
Elingasoze likukholwe lanxa lingakulandiselwa.+
Bethumba imizi yabantu.+
7 Bayesabeka futhi benza abantu baqhaqhazele.
Bahlulela ngentando yabo njalo bayabusa.+
8 Amabhiza abo alesiqubu esedlula esengwe,
Ayesabeka ukwedlula amaganyana ebusuku.+
Amabhiza abo empi agijima ngesiqubu esimangalisayo,
Evela khonale khatshana.
Ahwitha njengokhozi lubamba into oluyizingelayo.+
9 Bonke babuya belande ukulwa.+
Nxa besiza behlangene balamandla njengomoya wempumalanga,+
Bathumba abantu angathi bacupha itshebetshebe.
Babuthelela inhlabathi ibe lidundulu besebehlasela,
11 Ngemva kwalokho badlulele phambili njengomoya ovunguzayo.
12 Awu Jehova, wena kawusiNkulunkulu kusukela nini lanini yini?+
Wena kawufi,*+ Nkulunkulu wami, oNgcwele wami.
Awu Jehova, wena nguwe obakhethileyo ukuthi bahlulele.
Dwala lami,+ nguwe obakhethileyo ukuthi basijezise.+
13 Amehlo akho ahlanzeke kakhulu, ngeke akhangele okubi.
Ngeke ubekezelele izinto ezimbi.+
Pho kungani ubekezelela amaqili?+
Kungani uthula nxa omubi eginya umuntu olunge kulaye?+
14 Kungani usenza abantu bafanane lenhlanzi zolwandle?
Kungani ubenza bafanane lezidalwa zolwandle ezingelambusi?
15 Isitha* siyabadonsa bonke ngewuka.
16 Senzela inethi yaso iminikelo,
Sitshisele umambule waso imihlatshelo,*
Ngoba nguye owenza sithole ukudla okwakha umzimba,*
Sidle ukudla okulomsoco.
17 Sizaqhubeka silokhu sithulula inethi yaso yini?*
Sizaqhubeka sitshabalalisa izizwe singelazwelo yini?+