Uzasisebenzisa Njani Isikhathi Sekhefu?

Inyanga ka-December yisikhathi esijayele ukuba sihle sokuthi sihlanganyele ekutshumayeleni ngenxa yokuthi abantu abanengi bayatholakala ezindlini. Amabandla akhuthazwa ukuthi enze izinhlelo eziqakathekileyo zokutshumayela ngesikhathi sekhefu. Nxa kuyikuthi abanengi ensimini bazabe bephuza ukuvuka kungaba kuhle ukuntshintsha isikhathi sokwenza umhlangano wokuphuma enkonzweni yasensimini. Emhlanganweni weNkonzo kungenziwa isaziso ebandleni mayelana lezinhlelo lezi eziqakathekileyo zokutshumayela ngesikhathi sekhefu futhi likhuthaze bonke ukuthi bahlanganyele. Kuliqiniso ukuthi amakhefu asinika isikhathi sokuthi siphumule kumbe sizenzele imisebenzi eqondane lathi. Kungani ungahleli isikhathi esithile ngelanga sokuba sekutshumayeleni? Ngokwenza njalo, uzathola intokozo ngokwenza inkonzo engcwele.​—⁠Mat. 11:​29, 30.