Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-January

“Abantu abanengi balombono wabo ngoNkulunkulu. Abanye bacabanga ukuthi uNkulunkulu ungamandla nje angazwisisekiyo. Abanye bambona njengoBaba osezulwini olothando. Wena ucabanga ukuthi uNkulunkulu unjani?” Melela impendulo. Mtshengise ikhasi elingemuva kwe-Nqabayokulinda ka-January 1, futhi ubusuxoxa laye ngombuzo wokuqala ubale omunye wemibhalo efakiweyo. Mnike amamagazini, ubusuhlela ukuphenduka ngesikhathi esilandelayo lizoxoxa ngombuzo olandelayo.

INQABAYOKULINDA January 1

Silivakatshele okwesikhatshana sizoxoxa ngokuthile okusizwisisa ubuhlungu sonke​—ukufa komuntu esimthandayo. Uyakuvuma yini ukuthi ukufelwa ngumngane wakho omthandayo kumbe isihlobo sakho kuyinto ebuhlungu kakhulu? [Melela impendulo.] Abanengi baduduzwe yivesi le. [Bala u-Isaya 25:8.] Imagazini le ikhuluma ngesithembiso esiduduzayo esiseBhayibhilini sokuthi uNkulunkulu uzaqeda ukufa abesevusa abantu esibathandayo.”

January

“Uyakuvuma yini ukuthi izimuli ezinengi lamuhla zilezinhlupho? [Melela impendulo.] Isaga lesi esiseBhayibhilini sisitshela ngalokho izimuli okumele zibelakho ukuze zakhe futhi ziqinise izimuli zazo. [Bala IZaga 24:3.] Abanengi babone ukuthi iBhayibhili lingumthombo othembekileyo wokuhlakanipha. Imagazini le ikhuluma ngeWebhusayithi engafanani lezinye futhi ekhuluma ngeBhayibhili njalo elezinto zamahala ezinganceda izimuli.”