“Hamba Ngokholo, Hhayi Ngokubona”
Umphostoli uPhawuli wakhuthaza amaKhristu ukuthi abe ngamabutho afaneleyo njalo ahlale elindele ubunzima obabungabehlela. Wawatshela lokuthi angaqali ukuzihlupha ngokufuna ukuphila okumnandi kanye lokuthanda injabulo. Amazwi la wawabhala iJerusalema isizavinjezelwa ngamabutho ayezalibhubhisa. (2 Tim. 2:3, 4) Njengoba umhlaba lo usuzulelwa ngamanqe kumele sibe lokholo oluqine nko oluzasisiza singaphanjaniswa yizinto ezisemhlabeni kaSathane. (2 Khor. 4:18; 5:7) Bukela ividiyo ethi “Hamba Ngokholo, Hhayi Ngokubona.” (Hamba ku-jw.org, ubusukhangela ingxenye ethi IZINCWADI > AMA-VIDEO, kuwebhusayithi yesiZulu.) Nanzelela ukuthi ukuthanda izinto zomhlaba kwabangumjibila oyingozi ngayiphi indlela kuNahamu lo-Abhithali. Ngemva kwalokho phendula imibuzo elandelayo.
(1) Ayini ‘amanyala ayemi endaweni engcwele’ ngekhulu lokuqala, njalo yiliphi inyathelo amaKhristu ayehlala eJerusalema okwakumele ahle alithathe? (Mat. 24:15, 16) (2) Kungani amaKhristu kwakumele abe lokholo ngesikhathi ebalekela ezintabeni? (3) Yikuphi ukuzidela amaKhristu okwakumele akwenze? (4) Kuyini okwabambelela uNahamu lo-Abhithali? (Mat. 24:17, 18) (5) Yibuphi obunye ubunzima obehlela uRaheli ngesikhathi esephuma eJerusalema? (Mat. 10:34-37; Mak. 10:29, 30) (6) U-Ethani waba yisibonelo esihle ngayiphi indlela endabeni yokuba lokholo kanye lokuthembela kuJehova? (7) Yibuphi ubunzima amaKhristu ahlangana labo ePhela? (8) Kuyini okwakulokhu kuxegisa ukholo lukaNahamu lo-Abhithali? (9) UJehova wawanakekela njani amaKhristu ayehlala ePhela? (Mat. 6:33; 1 Tim. 6:6-8) (10) Singamlingisela njani u-Abhrahama loSara njengoba siphila emhlabeni lo osusiya ekupheleni? (Heb. 11:8-10) (11) Kuyini okwenza uNahamu lo-Abhithali bafuna ukubuyela eJerusalema njalo kungani umbono wabo lo wawunxele? (Luk. 21:21) (12) Kwakunjani eJerusalema ngesikhathi uNahamu lo-Abhithali bebuyela khona? (13) Kungani kumele siqinise ukholo lwethu lamuhla, ukuphela komhlaba lo kungakafiki?—Luk. 17:31, 32; 21:34-36.
Ukuhamba ngokholo kutsho (1) ukuthemba konke lokho uJehova asitshela khona, (2) ukuvuma ukuqondiswa nguye kukho konke esikwenzayo, (3) kanye lokuqakathekisa ukukhonza uJehova ukudlula ukuthanda izinto zomhlaba lo. Sengathi singazimisela ukuhamba ngokholo, singabi lokuthandabuza ngitsho lakancane ukuthi “umhlaba lezinkanuko zawo kuyadlula, kodwa umuntu owenza intando kaNkulunkulu uphila kuze kube nininini.”—1 Joh. 2:17.