AMAGUGU ASELIZWINI LIKANKULUNKULU | UJOBE 33-37

Umngane Weqiniso Upha Iseluleko Esakhayo

Elifanana Leliprintiweyo

U-Elihu wathi ewuvula owakhe, iseluleko sakhe sasingafanani ngitsho lesika-Elifazi, uBhilidadi kanye loZofari. Amazwi kanye lendlela aphatha ngayo uJobe yayitshiyene khatshana lalokho okwenziwa ngamadoda la. Kwakhanya ukuthi ungumngane weqiniso lokuthi ungumeluleki olosizo lathi okumele sizame ukumlingisela.

U-Elihu ukhuluma loJobe ngapha u-Elifazi, uBhilidadi, loZofari bekhangele

UKHANYA NGANI UMELULEKI OLOSIZO?	U-ELIHU WASIBEKELA ISIBONELO ESIHLE
32:4-7, 11, 12; 33:1
ISINEKE UKULALELISISA UKUHLONIPHA	U-Elihu walinda ngesineke, wasevula owakhe amadoda amadala eseqedile ukukhuluma Waqala ngokulalelisisa engakaphosi elakhe, lokhu kwamsiza waluzwisisa kakuhle udaba olwaluhlafunwa lapha Wamgagula ngebizo uJobe njalo wakhuluma laye ngendlela elomusa
33:6, 7, 32
UKUTHOBEKA UKUNGENEKA UZWELO	U-Elihu wayethobekile njalo elomusa, wavuma lokuthi laye ungumuntu olesono Wamzwela usizi uJobe njengoba wayebona ukuthi uphakathi kwelitshe lembokodo
33:24, 25; 35:2, 5
UKUZWISISA UMUSA UKUHLONIPHA UNKULUNKULU	U-Elihu watshengisa uJobe ngomusa ukuthi wayelomcabango ongaqondanga U-Elihu wanceda uJobe wananzelela ukuthi ukulunga kwakhe kwakungayisikho okuqakatheke kakhulu Iseluleko sika-Elihu sacanda indlela yokuthi uJobe amukele leseluleko esasivela kuye ngokwakhe uJehova