AMAGUGU ASELIZWINI LIKANKULUNKULU | ULUKHA 8-9
Kumele Wenzeni Ukuze Ube Ngumlandeli KaJesu?
Ukuze umlimi enze umfolo oqondileyo akumelanga aphanjaniswe yizinto ezingemuva kwakhe. Ngokufananayo umKhristu akumelanga avumele ukuthi izinto zomhlaba azitshiya emuva zimphambanise.—Flp 3:13.
Nxa siphakathi kobunzima kulula ukuthi sikhumbule insuku ezimnandi zakudala esasisiba lazo singakalazi iqiniso. Ukucabanga njalo kwenza sibone angani kudala sasikhomba ngophakathi njalo sasilezinhlupho ezilutshwane. Lokhu yikho kanye okwenziwa ngama-Israyeli esephumile eGibhithe. (Nan 11:5, 6) Nxa singahlala sicabanga njalo singacina sibuyele empilweni esasiyiphila kudala. Kuhle ukuthi sicabangisise ngezibusiso esilazo khathesi kanye lentokozo esizaba layo nxa sesibuswa nguMbuso kaNkulunkulu.—2Kr 4: 16-18.