AMAGUGU ASELIZWINI LIKANKULUNKULU | 2 KWABASEKHORINTE 4-6
“Kasikhalali”
Cabanga ngezimuli ezimbili ezihlala endlini endala futhi esesimeni esibi. Enye imuli idanile ngenxa yokuhlala endaweni enjalo, ikanti enye iyathokoza. Kuyini okuyenza ithokoze? Kungenxa yokuthi sekuseduze ukuthi ithuthele endlini entsha futhi enhle.
Lanxa “konke okudaliweyo kuqhubeka kububula ndawonye futhi kusebuhlungwini kuze kube khathesi,” izinceku zikaNkulunkulu zilethemba elizinceda ukuthi zibekezele. (Rom 8:22) Siyakwazi ukuthi inhlupho esilazo kanye lalezo esezisithwalise nzima okwesikhathi eside, ‘ngezesikhatshana futhi azitsho lutho’ nxa siziqathanisa lokuphila okuphakade emhlabeni omutsha. Nxa singahlala sicabanga ngezibusiso ezizalethwa nguMbuso, sizathokoza futhi asisoze sikhalale.