UJehova Uyayiqakathekisa Imikhuleko Yethu

Imithandazo eyamukelwa nguJehova injengempepha enukelela mnandi eyayitshiswa phambi kukaJehova ethempelini. (Hu 141:2) Siyabe sitshengisa ukuthi siyabuqakathekisa ubungane bethu loJehova nxa simtshela indlela esimthanda ngayo njalo simbonga ngalokho asenzela khona, simtshela okusikhathazayo lesikufisayo futhi sicela ukuthi asiqondise. UJehova uyayiqakathekisa imithandazo emfitshane eyenziwa emihlanganweni yethu ngoba iyingxenye yokukhonza. Lanxa kunjalo kumele ukuthi uJehova uyathokoza nxa sithandaza okwesikhathi eside sisodwa simthululela isifuba.—Zag 15:8.

BUKELANI IVIDIYO ETHI NGIYAKUQAKATHEKISA UKUTHANDAZA, BESELIPHENDULA IMIBUZO ELANDELAYO:

• Yiphi imisebenzi eyenziwe ngumfowethu uJohnson enhlanganisweni?

• Kuyini okutshengisa ukuthi umfowethu uJohnson wayekuqakathekisa ukuthandaza?

• Ufundeni endabeni kamfowethu uJohnson?