Bala IBhayibhili Nsuku Zonke

Kuyake kukuthwalise nzima yini ukubala iBhayibhili nsuku zonke ngenxa yokubambeka? (Josh. 1:8) Nxa kunjalo mhlawumbe amacebo alandelayo angakunceda:

• Faka i-alarm. I-alarm yakho ingakhala uzahle ukhumbule ukuthi sekuyisikhathi sokubala iBhayibhili.

• Faka iBhayibhili lakho egcekeni. Nxa iBhayibhili lakho lisegcekeni uzahle ukhumbule ukuthi kumele ulibale.—Dute. 11:18.

• Lalela iBhayibhili elirekhodiweyo. Uyenelisa ukulalela iBhayibhili elirekhodiweyo ngapha uzenzela eminye imisebenzi. Omunye udadewethu okuthiwa nguTara, oliphayona futhi olemuli uthi: “Ngiyenelisa ukubala iBhayibhili nsuku zonke ngoba ngilalela iBhayibhili elirekhodiweyo ngapha ngisenza eminye imisebenzi.”

• Zimisele ukulibala nsuku zonke. Kwesinye isikhathi kungaba lezinto ezingaphambanisa uhlelo lwakho lokubala iBhayibhilli, kodwa zimisele ukubala amavesi amalutshwana nje ungakalali. Wonalawo amavesi ambalwa azakunceda—1 Phet. 2:2.