Impi Ye-Amagedoni Izaqalisela E-Israel Yini?—IBhayibhili Lithini?

IBhayibhili likwenza kucace ukuthi i-Amagedoni yimpi ezalwiwa emhlabeni wonke hatshi emazweni amalutshwane nje kuphela. Empini le uNkulunkulu uzasusa bonke ohulumende abakhona.

• ‘Amazwi aphefumulelwe ngamadimoni aqonda emakhosini omhlaba wonke ukuze awaqoqele ndawonye empini yosuku olukhulu lukaNkulunkulu uSomandla. Awaqoqele ndawonye endaweni ebizwa ngokuthi yi-Amagedoni ngesiHebheru.’—ISambulo 16:14, 16.

Ibala elithi “Amagedoni” lithethwe kwelesiHebheru elithi Har Meghid·dohnʹ, elitsho ukuthi “Intaba yeMegido.” IMegido lidolobho elalitholakala eduze lako-Israyeli. Lokhu kwenza abanye abantu bacabange ukuthi impi ye-Amagedoni izalwelwa e-Israel. Kodwa lapho okwakuledolobho leMegido kumbe ezinye nje indawo eziseMiddle East zincane kakhulu ukuthi ‘amakhosi omhlaba wonke’ kanye lamabutho awo bangalwela khona.

Izinto ezinengi ezibhalwe ebhukwini leSambulo ‘ziyisibonakaliso’ kumbe izifaniso. (ISambulo 1:1) Yikho nxa iBhayibhili likhuluma nge-Amagedoni liyabe lingatsho indawo ethile kodwa liyabe lisitsho ukuhlangana kwabohulumende ukuze balwisane lokubusa kukaNkulunkulu.—ISambulo 19:11-16, 19-21.