Isithembiso sikaJefitha

WAKE wabona kunzima ukwenza ulutho owawuluthembisile yini? Indoda esemfanekisweni yenza njalo, yikho ikhanya idanile. Indoda le ingumahluleli olesibindi wama-Israyeli. Ibizo layo nguJefitha.

UJefitha uphila ngesikhathi lapho ama-Israyeli engasakhonzi uJehova. Sebesenza izinto ezimbi futhi. Yikho-ke uJehova wekela ama-Amoni abalimaze. Ama-Israyeli ayakhala kuJehova esithi: ‘Sikuwonele. Sicela usisindise!’

Abantu bayazisola ngezinto ezimbi abazenzileyo. Bazisola kakhulu besebeqalisa ukukhonza uJehova futhi. UJehova uyabanceda.

Abantu bakhetha uJefitha ukuthi alwisane lama-Amoni amabi. UJefitha ufuna kakhulu ukuthi uJehova amncedise empini le. Ngakho uthembisa uJehova ukuthi: ‘Nxa ungangenza nginqobe ama-Amoni ngizakunika umuntu ozaphuma kuqala endlini yami ezongihlangabeza nxa ngivela nqoba.’

UJehova uyasilalela isithembiso sikaJefitha abesemncedisa ukunqoba impi. Uyakwazi yini ukuthi uJefitha uhlangabezwa ngubani ekubuyeleni kwakhe ngekhaya? Ngumntanakhe oyinkazana njalo nguye yedwa. UJefitha uyakhala esithi: ‘O, ndodakazi yami! Usungizwise ubuhlungu. Kodwa sengenze isithembiso kuJehova njalo angingeke ngisephule.’

Indodakazi kaJefitha izwa ngesithembiso sikababa wayo. Izwa ubuhlungu okwakuqala ngoba lokhu kutsho ukuthi izatshiya ubaba wayo labangane bayo. Kodwa izakhonza uJehova ethabanikeli lakhe eShilo okwempilo yayo yonke. Utshela ubaba wakhe: ‘Nxa wenze isithembiso kuJehova kumele usigcine.’

Indodakazi kaJefitha iyahamba eShilo ibisikhonza uJehova ethabanikeli lakhe okwempilo yayo yonke. Abafazi bako-Israyeli bayamvakatshela okwamalanga amane ngomnyaka njalo bayakholisa bendawonye. Abantu bayamthanda umntakaJefitha ngoba ungumuntu olungileyo othanda uJehova.