ISIFUNDO 14

Abangane BakaNkulunkulu Babalekela Izinto Ezimbi

USathane ulinga abantu ukuba benze izinto ezimbi. Umuntu ofuna ukuba ngumngane kaNkulunkulu kumele azonde lokho uJehova akuzondayo. (IHubo 97:10) Nanzi ezinye izinto abangane bakaNkulunkulu okumele bazibalekele:

Izinto uJehova azizondayo zigoqela ukuziphatha okubi kwemacansini, ukudakwa, ukukhipha isisu, ubusela, ukuqamba amanga, udlakela lolaka olungalawulekiyo lokubheja

Ukuziphatha okubi kwemacansini. “Ungafebi.”(Eksodusi 20:14) Ukulala lomuntu ongatshadanga laye kubi.—1 KwabaseKhorinte 6:18.

Ukudakwa. ‘Izidakwa . . . aziyikudla ilifa lombuso kaNkulunkulu.’—1 KwabaseKhorinte 6:10.

Ukubulala. Ukukhipha isisu. “Ungabulali.”—Eksodusi 20:13.

Ubusela. “Ungebi.”—Eksodusi 20:15.

Ukuqamba amanga. UJehova uzonda “ulimi oluqamba amanga”—IZaga 6:17.

Udlakela lolaka olungalawulekiyo. “Abathanda udlakela [UJehova] uyabazonda.” (IHubo 11:5) “Izenzo zemvelo [zihlanganisa] . . . intukuthelo.”—KwabaseGalathiya 5:19, 20.

Ukubheja. ‘Lingahlanganyeli lomuntu . . . oyisihwaba.’—1 KwabaseKhorinte 5:11.

Ubandlululo. “Thandani izitha zenu, libathandazele labo abalihluphayo.”—UMathewu 5:43, 44.

Izinto uNkulunkulu asitshela zona zizuzisa thina. Akulula ngaso sonke isikhathi ukubalekela ukwenza izinto ezimbi. UJehova laboFakazi bakhe bangakuncedisa ukuthi ubalekele ukwenza izinto ezingamthokozisiyo.—UIsaya 48:17; KwabaseFiliphi 4:13; KumaHebheru 10:24, 25.