Incwadi Evela KuQula Elibusayo

Kini elithanda uJehova leLizwi lakhe iBhayibhili:

UJesu wathi: “Lizalazi iqiniso, njalo iqiniso lizalikhulula.” (UJohane 8:32) Usakhumbula yini ukuthi wezwa njani ngesikhathi uqalisa ukufunda iqiniso eliseBhayibhilini? Akuthandabuzwa ukuthi kwakuthokozisa ukubona ukuthi ungabalazi iqiniso lanxa uphila emhlabeni ogcwele abantu abalamanga.​—2 KuThimothi 3:1.

UJehova ufuna silazi iqiniso njalo lathi siyafisa ukuthi abanye babelazi yikho sibatshela ngalo. Kodwa ukukhonza uJehova akupheleli lapho. Kumele sizame ngamandla wonke ukuphila ngendlela etshengisa ukuthi siyamhlonipha uJehova. UJesu waveza ukuthi singatshengisa njani ukuthi siyamthanda uNkulunkulu. Wathi: “Aluba lilalela imilayo yami, lizahlala lisothandweni lwami, njengoba lami ngilalele imilayo kaBaba ngihlala ngisothandweni lwakhe.”​—UJohane 15:10.

UJesu uyamthanda kakhulu uYise futhi wenza konke amtshela khona. Nxa lathi singamlingisela, sizathokoza futhi uJehova uzasithanda. UJesu wathi “Lingaze lizazi lezi izinto lizabusiswa nxa lizenza.”​—UJohane 15:10.

Sithemba ibhuku leli lizakunceda ukuthi uphile ngendlela evumelana lezimiso eziseBhayibhilini futhi ube ngumngane kaNkulunkulu. Kuyisifiso sethu ukuthi uqhubeke umthanda uNkulunkulu futhi uhlale ethandweni lwakhe ‘ulindele ukuphila okuphakade.’​—UJuda 21.