Woba Lozwelo

Isimiso: “Jabulani labajabulayo, likhale labakhalayo.”—Rom. 12:15.

Okwenziwa NguJesu

UJesu labafundi bakhe behla esikepeni besiya ekhunjini lapho okulabantu ababalindileyo.

IVIDIYO: UJesu Wabazwela Usizi

1. Bukela IVIDIYO, kumbe ubale uMakho 6:30-34, ubusuphendula imibuzo elandelayo:

Kungani uJesu labaphostoli bakhe babefuna ukuthi bake “babe bodwa”?
Kuyini okwenza uJesu wafundisa abantu laba?

Sifundani Kulokho Okwenziwa NguJesu?

2. Ukuba lozwelo kusinceda ukuthi singaphongutshumayeza abantu kodwa sitshengise ukuthi silendaba labo.

Lingisela UJesu

3. Lalelisisa. Ungamngeni emlonyeni, mvumele atsho lokho akucabangayo. Ungacabangi ukuthi indlela azizwa ngayo kanye lombono wakhe akuqakathekanga. Nxa ungamlalelisisa uyabe utshengisa ukuthi ulendaba laye.

4. Cabanga ngomuntu olesifiso sokufunda. Ukhumbula ngalokho elike laxoxa ngakho, zibuze:

‘Kungani kumele azwe iqiniso?’
‘Ukufunda iBhayibhili kuzamnceda njani ukuthi aphile impilo engcono khathesi lasesikhathini esizayo?’

5. Xoxa laye ngezinto ezingamnceda. Liqalisa nje ukufunda, mncede abone ukuthi iBhayibhili liyayiphendula imibuzo angabe elayo lokuthi lingamnceda empilweni.

KHANGELA

loRom. 10:13, 14; Flp. 2:3, 4; 1 Phet. 3:8