UKWENZA ABAFUNDI
ISIFUNDO 10
Zimisele
Isimiso: “Sasizimisele ukulinika izindaba ezinhle ezimayelana loNkulunkulu siphinde siliphe ngitsho lokuphila kwethu ngoba sasilithanda kakhulu.”—1 Thes. 2:8.
Okwenziwa NguJesu
1. Bukela IVIDIYO, kumbe ubale uJohane 3:1, 2, ubusuphendula imibuzo elandelayo:
Kuyini okwenza uNikhodemu wakhetha ukuyabona uJesu ebusuku?—Khangela uJohane 12:42, 43.
UJesu watshengisa njani ukuthi wayezimisele ukwenza abafundi?
Sifundani Kulokho Okwenziwa NguJesu?
2. Sitshengisa ukuthi siyabathanda abantu ngokuzimisela ukubancedisa ukuthi babe ngabafundi.
Lingisela UJesu
3. Funda laye ngesikhathi akhululeke ngaso futhi endaweni ayifunayo. Umuntu ofunda laye angakhetha ilanga lesikhathi afuna ukufunda ngaso. Mcele atsho ukuthi ukhululeke ukufundela ngaphi, kungaba semsebenzini, lapho ahlala khona kumbe kweyinye indawo. Nxa kuvuma, tshintsha olwakho uhlelo ukuze wenelise ukufunda laye ngesikhathi langelanga alifunayo.
4. Fundani maviki wonke. Nxa kuyikuthi uzabe ungekho ngelanga okumele lifunde ngalo, yenza okulandelayo kulokuthi leqe ukufunda:
Khetha elinye ilanga
Funda laye ngefoni kumbe ngezinye indlela zempucuko
Cela omunye ummemezeli ukuthi ayefunde laye
5. Thandaza. Cela uJehova akuncedise ukuthi ungakhalali lanxa umfundi wakho esehluleka ukuthi lifunde maviki wonke kumbe ephuza ukusebenzisa lokho akufundayo. (Flp. 2:13) Kungabe kulezinye izinto ezinhle umfundi wakho azenzayo yikho thandaza ucele uJehova akuncedise ubone okuhle akwenzayo.