Iqiniso NgoMbuso KaNkulunkulu
UJesu wafundisa abalandeli bakhe ukuthi bakhuleke besithi: “Baba wethu osezulwini, kalingcweliswe ibizo lakho. UMbuso wakho kawuze. Intando yakho kayenziwe emhlabeni njengasezulwini.” (UMathewu 6:9, 10) Uyini uMbuso kaNkulunkulu? Uzakwenzani? Kungani kumele siwukhulekele?
UJesu uyiNkosi yoMbuso kaNkulunkulu.
ULukha 1:31-33: “Uyinike ibizo elithi Jesu. Izakuba ngumuntu oqakathekileyo futhi izabizwa ngokuthi yiNdodana yoPhezukonke. UJehova uNkulunkulu uzayipha isihlalo sobukhosi sikayise uDavida. Izakuba yiNkosi endlini kaJakhobe kuze kube nini lanini njalo uMbuso wayo kawusoze uphele.”
UJesu watshumayela ngoMbuso kaNkulunkulu.
UMathewu 9:35: “UJesu waqalisa ukubhoda wonke amadolobho lazo zonke izigaba, efundisa emasinagogeni futhi etshumayela izindaba ezinhle zoMbuso, eselapha yonke imihlobo yemikhuhlane lezifo zonke.”
UJesu watshela abafundi bakhe ukuthi babezabona njani ukuthi uMbuso ususondele.
UMathewu 24:7: “Phela isizwe sizavukela isizwe, lombuso uvukele umbuso, futhi kuzakuba lokuswelakala kokudla kanye lokuzamazama komhlaba ezindaweni ezehlukeneyo.”
Abafundi bakaJesu lamuhla batshumayela ngoMbuso kaNkulunkulu emhlabeni wonke.
UMathewu 24:14: “Lezizindaba ezinhle zoMbuso zizatshunyayelwa emhlabeni wonke ukuze kube lobufakazi ezizweni zonke, besekufika ukuphela.”