Khuluma Ngesihloko Esisodwa Esikumagazini Ubusutshiya Amamagazini Womabili
Imagazini ngayinye ilezihloko ezikhangayo. Kulokukhula ngezihloko ezinengi endlini ngayinye, kungcono ukukhuluma ngesihloko esisodwa nje kuphela. Nxa singabananzelelayo njalo sizazi izihloko zamamagazini, singakhetha okuthile kokuxoxa ngakho okuzakhanga umninimuzi, okungaba kuNqabayokulinda kumbe ku-Awake! Ngokwesibonelo, nxa singabona amathoyi abantwana egcwele indawo yonke endlini, singakhetha ukukhuluma ngesihloko esimayelana lezimuli. Nxa singathola umuntu oyindoda, singakhetha ukukhuluma ngesihloko esithile esithandwa ngamadoda, ngokwesibonelo ukuba lohulumende omuhle. Lanxa singaxoxa ngesihloko esisodwa, kumele siwatshiye womabili amamagazini nxa umninimuzi etshengisa ukuthi uyawathanda.