Lingisela Abaphrofethi—UJoweli
1. Singakulingisela njani ukuthobeka kukaJoweli nxa sitshumayela?
1 Wayengubani umphrofethi uJoweli? Asitshela khona kuphela yikuthi ‘wayeyindodana kaPhethuweli.’ (Jow 1:1) Umphrofethi lo othobekileyo wagcizelela umlayezo kaJehova, hatshi ukuba kwakhe yisithunywa. Ngendlela efananayo, kulokuthi sizidingele ukudunyiswa lokubonwa lapho sisenkonzweni, sihambisa lonke udumo kuJehova laseBhayibhilini lapho. (1 Kor. 9:16; 2 Kor. 3:5) Okunye futhi yikuthi sithola amandla emlayezweni esiwutshumayelayo. Yikuphi okusesiphrofethweni sikaJoweli okungasenza sibe lentshiseko kanye lethemba lamuhla?
2. Ukuba seduze kosuku lukaJehova kumele kusenze ukuthi senzeni?
2 “Usuku lukaJehova Seluseduze.” (UJoweli 1:15): Lanxa amazwi lawo abhalwa kudaladala, siphila esikhathini lapho agcwaliseka khona okokucina. Ukuwohloka kwezimo zomhlaba, ukungabi lendaba kwabantu kanye lokuhlekwa esihlangana lakho ensimini yethu kutshengisa ngokucacileyo ukuthi izinsuku zokucina zomhlaba lo omubi seziqalisile. (2 Tim. 3:1-5; 2 Pet. 3:3, 4) Nxa sicabanga ngokuba seduze kokucina kwesikhathi, silezizathu ezinengi zokuthi sifake ukutshumayela kuqala ezimpilweni zethu.—2 Pet. 3:11, 12.
3. Kungani inkonzo iqakatheke kakhulu njengoba sisondela ekuhluphekeni okukhulu?
3 “UJehova Uzakuba Yisiphephelo Sabantu Bakhe.” (UJoweli 3:16): Ukugedezela okuchasiswe evesini leli kungatsho kuphela ukujezisa uJehova azakwenza ngesikhathi sokuhlupheka okukhulu. Siyaduduzeka ngokwazi ukuthi uJehova uzasindisa izinceku zakhe ezithembekileyo ngaleso sikhathi. (Isam. 7:9, 14) Njengoba sihlanganyela emsebenzini wokutshumayela njalo sibona indlela uJehova asisekela futhi asiqinisa ngayo, siqinisa ukholo lwethu futhi siba lokubekezela okuzasinceda ngesikhathi sokuhlupheka okukhulu.
4. Kungani singathokoza futhi sikhangele ikusasa silokuqiniseka?
4 Umlayezo kaJoweli unika abantu ithemba lokusindiswa lanxa abanye besithi uyadanisa. (Jow. 2:32) Ngakho-ke, asikhangeleni ikusasa silokuqiniseka futhi sitshiseka ekutshumayeleni izindaba ezinhle zoMbuso kaNkulunkulu njengoba silalela amazwi kaJoweli 2:23, athi: “Thokozani kuJehova uNkulunkulu wenu.”