UKUTHUTHUKISA INDLELA ESITSHUMAYELA NGAYO​—Thinta Inhliziyo Usebenzisa Ibhuku Elithi “Zigcineni Lisethandweni LukaNkulunkulu”

KUNGANI KUQAKATHEKILE: Ukuze abantu bakhonze uJehova ngendlela eqondileyo kumele bafunde ngezimiso zakhe njalo baphile ngokuvumelana lazo. (Isay 2:3, 4) Ibhuku lesibili esilifunda labantu elithi “Ethandweni LukaNkulunkulu” lenzelwe ukunceda abafundi bazwisise ukuthi izimiso eziseBhayibhilini bangazisebenzisa njani empilweni zabo. (Heb 5:14) Nxa sibafundisa kumele sizame ukuthinta izinhliziyo zabo ukuze abakufundayo kubafuqe ukuthi bantshintshe indlela abaphila ngayo.—Ro 6:17.

INDLELA YOKUKWENZA:

• Lungiselela kuhle njalo ucabange ngalapho umfundi wakho okumele alungisise khona. Buza imibuzo ezamenza atsho akucabangayo kanye lendlela azizwa ngayo ngendaba eliyifundayo.—Zag 20:5; be-ZU 259

• Sebenzisa amabhokisi asebhukwini ukuze umfundi abone ukuthi kuqakatheke ngani ukusebenzisa izimiso zeBhayibhili

• Msize asebenzise kuhle umzwangedwa wakhe ezindabeni okungelamithetho yeBhayibhili engamqondisa kodwa ungamenzeli izinqumo.—Gal 6:5

• Nanzelela lapho umfundi adinga khona ukuncediswa ukuze asebenzise izimiso zeBhayibhili. Ube usumkhuthaza ngomusa ukuthi azame ukulungisisa lapho asilela khona ukuze aphile ngendlela ethokozisa uJehova.—Zag 27:11; Joh 14:31