Uliqakathekisa Kangakanani ILizwi LikaNkulunkulu?

IBhayibhili lilemicabango lamazwi kaJehova ngoba nguye umlobi webhuku leli elingcwele. (2Pe 1:20, 21) IBhayibhili likhuluma kakhulu ngoMbuso kaNkulunkulu azawusebenzisa ukuze enze izinto zibe zinhle lapha emhlabeni. Liphinda lisitshele ukuthi uBaba wethu osezulwini unjani.​—Hu 86:15.

Sonke silezizathu ezenza siliqakathekise iLizwi likaJehova. Enye indlela esingatshengisa ngayo ukuthi siyaliqakathekisa yikulibala nsuku zonke kanye lokwenza elisitshela khona. Konke esikwenzayo kumele kutshengise ukuthi sivumelana lamazwi omhubi athi: “O he, ngiwuthanda kangakanani umthetho wakho!”​—Hu 119:97.

BUKELANI IVIDIYO ETHI BABELIQAKATHEKISA IBHAYIBHILI—ISIQEPHU (UWILLIAM TYNDALE) BESELIPHENDULA IMIBUZO ELANDELAYO:

• 

  Kuyini okwenza uWilliam Tyndale wahumutsha ingxenye zeBhayibhili?

• Kuyini okwenza ukuhumutsha kwakhe kumangalise kangaka?

• AmaBhayibhili ahunyutshwa nguTyndale ayengeniswa njani e-England?

• Singatshengisa njani ukuthi siyaliqakathekisa iLizwi likaNkulunkulu?