Umhlaba “Waginya Umfula”

Kusukela endulo bekusiba lezikhathi lapho iziphathamandla ebezinceda khona abantu bakaJehova. (Ezr 6:1-12; Est 8:10-13) Lalamuhla sesike sawubona “umhlaba” okutsho iziphathamandla ezizwisisayo​—uginya “umfula” wokuhlukuluzwa okubangelwa “ngumgobho,” uSathane uDeveli. (Sam 12:16) Kwezinye izikhathi uJehova, ‘uNkulunkulu osindisayo,’ angasebenzisa ababusi ukuthi bancede izikhonzi zakhe.​—Hu 68:20; Zag 21:1.

Nxa ungabotshwa-ke ngenxa yokukhonza uJehova? Ungathandabuzi ukuthi uJehova ulawe. (Gen 39:21-23; Hu 105:17-20) Hlala ukhumbula ukuthi uJehova uzakunika umvuzo ngenxa yokholo lwakho kanye lokuthi ubuqotho bakho bukhuthaza oFakazi emhlabeni wonke.​—Flp 1:12-14; Sam 2:10.

BUKELANI IVIDIYO ETHI UKUKHULULWA KWABAFOWETHU BEKOREA BESELIPHENDULA IMIBUZO ELANDELAYO:

• Kuyini okwenza abafowethu abanengi kangaka babotshwa eSouth Korea?

• Kuyini okwenza abanye abafowethu bakhululwa bengakaqedi isigwebo sabo?

• Singabancedisa njani abafowethu ababotshelwe ukukhonza uJehova?

• Singayisebenzisa njani inkululeko esilayo khathesi?

• Ngubani osisekelayo kuwo wonke amacala esiwanqobayo emthethwandaba?