Okwakuqakatheke Kakhulu EThabanikeli

25:9, 21, 22

Ibhokisi lesivumelwano laliqakatheke kulakho konke okwakusethabanikeli lasenkambeni yama-Israyeli. Kwakuleyezi phakathi kwamakherubhi amabili ayephezu kwesivalo sebhokisi lesivumelwano, futhi iyezi lelo lalitshengisa ukuthi uNkulunkulu ukhona kuleyondawo. Minyaka yonke ngeLanga Lokubuyisana, umphristi omkhulu wayengena eNgcwele Ngcwele abesechela igazi lenkunzi lelembuzi phambi kwesivalo sebhokisi ukuze ama-Israyeli athethelelwe izono. (Lev 16:14, 15) Lokhu kwakutshengisa okwakuzakwenziwa nguJesu uMphristi Omkhulu. Wangena ezulwini ukuze abonakale phambi kukaJehova ngemva kokunikela ngokuphila kwakhe ukuze sihlawulelwe izono zethu.—Heb 9:24-26.

Qondanisa umbhalo ngamunye lomutsho ohambelana lawo, ochasisa esikutholayo ngenxa yenhlawulo:

IMIBHALO

• 1Jo 1:8, 9

• Heb 9:13, 14

• Rom 6:23

ESIKUTHOLAYO

• ithemba lokuphila phakade

• ukuthethelelwa izono

• umzwangedwa ohlanzekileyo

Kumele senzeni ukuze sithole izibusiso lezi?