AMAGUGU ASELIZWINI LIKANKULUNKULU | ULEVI 4-5
Nika UJehova Okungcono Kakhulu
Ko-Israyeli akulamuntu owayengaswela ukuthi anikele ngani kuJehova. Lomyanga wokucina wayengenelisa ukunika uJehova umnikelo owawumthokozisa ingqe nje wawungokungcono kakhulu ayelakho. Babenganikela ngefulawa, kodwa uJehova wayefuna ukuthi ibe “ngecolekileyo” efanana laleyo eyayisetshenziswa nxa umuntu evakatshelwe ngabantu abahlonitshwayo. (Gen 18:6) Lanamuhla, uJehova uyawamukela “umhlatshelo wokudumisa” esimnika wona kungelani lokuthi izimo zethu zinjani. Akuqakathekisayo yikuthi simnike okungcono kakhulu esilakho.—Heb 13:15.
Lokhu kungakududuza njani nxa kuyikuthi awusenelisi ukwenza owawukwenza kudala ngenxa yokuthi sugula kumbe ezinye izizatho?