Khuluma Ngokusanda Kwenzakala Nxa Usekutshumayeleni

UJesu wakhuluma ngezinto ezazisanda kwenzakala ngesikhathi etshumayela. (Luk 13:1-5) Lawe ungakhuluma ngezinto ezisanda kwenzakala ukuze wenze abantu bafise ukuzwa izindaba ezinhle. Ngokwesibonelo, ngemva kokukhuluma ngokudula kwezinto, ngengozi yemvelo, ngeziphithiphithi, ngokusetshenziswa kwezidakamizwa kumbe ngokunye okuhlupha abantu, buza umuntu oxoxa laye umbuzo ozakwenza acabangisise ngendaba elixoxa ngayo. Ungathi: “Ucabanga ukuthi . . . kuzaphela yini?” kumbe “Ucabanga ukuthi kungenziwani ngohlupho lwe . . . ?” Ngemva kwalokho bala ivesi ehambelana lendaba elixoxa ngayo. Nxa efisa ukufunda okunengi, mbukelise ividiyo kumbe umtshengise ibhuku eliseBhokisini Elilamathuluzi Okufundisa. ‘Asenzeni zonke izinto ngenxa yezindaba ezinhle’ njengoba sizama ukuthi lokho esikutshoyo kuthophele ezinhliziyweni zalabo esibatshumayezayo.—1Kr 9:22, 23.

Yiziphi izinto ongakhuluma ngazo ezingenza abantu abasensimini yenu bafise ukulalela?