OKUNGAKUNCEDA NXA UBALA
Khangelisisa Imifanekiso
Amabhuku ethu alemifanekiso eminengi esinceda sizwisise izifundo eziqakathekileyo. Manje ungayisebenzisa njani imifanekiso ukuze ikuncede?
Qala ukhangele imifanekiso ungakabali isihloko sonke. Njengoba nje ukubuka ukudla okumnandi kukwenza ufise ukukudla, imifanekiso layo ingakunceda ubone ukuthi uzabala ngani futhi ikwenze ube lesifiso sokuhle uyibale indaba yakhona. Zibuze umbuzo lo, ‘Ngibonani?’—Amos. 7:7, 8.
Ngesikhathi ubala isihloko leso zibuze ukuthi kungani kwasetshenziswa lowo mfanekiso. Bala amazwi achasisa okusemfanekisweni, ubusubona ukuthi umfanekiso lowo ungenelana njani lendaba okuxoxwa ngayo ubusucabanga langokuthi ungakusebenzisa njani empilweni yakho.
Sebenzisa imifanekiso esesihlokweni osibalileyo ukuze ubone ukuthi uyayikhumbula yini imicijo eqakathekileyo. Zama ukubona umfanekiso lowo ngelihlo lengqondo ubusuzama ukukhumbula ukuthi bekukhulunywa ngani.
Khangela imifanekiso ekumagazini le ubusukhumbula izifundo ozifundileyo