Nqoba Isizungu Ngokunceda Abanye—⁠IBhayibhili Lithini Ngendaba Le?

Abantu abanengi emhlabeni bahlutshwa yisizungu futhi bakuthola kunzima ukuthi babe labangane. Abanye abezempilakahle bathi ukunceda abanye kungamsiza umuntu olohlupho lolu.

• “Ukuncedisa abanye kungenza sithokoze, silwisane lesizungu futhi senelise ukuba labangane.”—U.S. National Institutes of Health.

IBhayibhili lilamacebo angasinceda sibone ukuthi singenzani ukuze sisize abanye. Ukusebenzisa amacebo la kuzasinceda ukuthi silwisane lesizungu.

Ongakwenza

Woba ngumuntu ophanayo. Zinike isikhathi sokukwejisa labanye. Ungancitshani kodwa zimisele ukunika abanye lokho olakho. Nxa ungenza njalo bazakubonga besekusenza ukuthi libe ngabangane.

• Okutshiwo liBhayibhili: “Hlalani lisipha abanye, labo bazalipha.”—ULukha 6:38.

Zimisele ukunceda abanye. Dinga izindlela zokunceda abasebunzimeni. Lokhu ungakwenza ngokubalalela ngesineke nxa bekutshela okubakhathazayo kumbe ubenzele imisebenzi ethile.

• Okutshiwo liBhayibhili: “Umngane ukhona ukuze akuncede kuloba yisiphi isimo okuso.”—IZaga 17:17, Contemporary English Version.

Nxa ufuna ukuthola okunengi ngokuthi ungenzani ukuze uqinise ubungane bakho labanye bala isihloko esithi “Imuli Labangane.”