Ngobani Ababhalwe ‘Encwadini Yokuphila’?

Impendulo yeBhayibhili

‘Incwadi yokuphila’ ebizwa langokuthi ‘ngumqulu wencwadi yesikhumbuzo’ ilamabizo alabo abalethemba lokuphila phakade. (ISambulo 3:5; 20:12; UMalaki 3:16) UNkulunkulu nguye okhethayo ukuthi ngelikabani ibizo elibhalwa encwadini le. Ubhala abantu abathembekileyo kuye labamlalelayo.​—UJohane 3:16; 1 UJohane 5:3.

“Kusukela ekudalweni” komhlaba uNkulunkulu ubelokhu egcina enkumbulweni yakhe okuhle okwenziwa zinceku zakhe. Kuba angani ubhala ebhukwini. (ISambulo 17:8) Umuntu owaqala ukubhalwa encwadini yokuphila ngu-Abela. (KumaHebheru 11:4) Ukuthi uJehova uhlala ekhumbula okwenziwa zinceku zakhe kutshengisa ukuthi unguNkulunkulu olothando ‘obaziyo labo abangabakhe.’​—2 KuThimothi 2:19; 1 UJohane 4:8.

Kuyenzakala yini ukuthi amabizo acitshwe “encwadini yokuphila”?

Ye kuyenzakala. UNkulunkulu watshela ama-Israyeli ayengamlaleli wathi: “Lowo owenze isono kimi ngizamesula ogwalweni lwami.” (U-Eksodusi 32:33) Nxa singahlala sithembekile kuNkulunkulu amabizo ethu awasoze acitshwe “encwadini yokuphila.”​—ISambulo 20:12.