IBhayibhili lithi ukuphila komuntu ‘kufitshane futhi kugcwele inhlupho.’ (UJobe 14:1) Kambe ukuthi le yiyo impilo uNkulunkulu ayefuna siyiphile? UNkulunkulu wayehloseni ngesikhathi edala abantu? Inhloso yakhe izagcwaliseka yini? Zwana ukuthi iBhayibhili lithini ngendaba le.

1. UJehova wayehloseni ngesikhathi edala abantu?

UJehova ufuna siyikholise impilo. Wadala abantu bokuqala u-Adamu lo-Eva wasebafaka epharadayisi elalisensimini ye-Edeni. “UNkulunkulu wababusisa wathi kubo: ‘Zalani lande, ligcwalise umhlaba liwubuse.’” (UGenesisi 1:28) UJehova wayefuna babe labantwana, benze umhlaba wonke ube lipharadayisi lokuthi banakekele izinyamazana. Inhloso yakhe yayingeyokuthi bonke abantu baphile beqine saka kuze kube nini lanini.

Lanxa sihlupheka khathesi,a inhloso kaNkulunkulu ngabantu ayitshintshanga. (U-Isaya 46:10, 11) Ulokhe efuna ukuthi abantu abamlalelayo bahlale emhlabeni kuze kube nini lanini bethokoza.—Bala iSambulo 21:3, 4

2. Singenzani ukuze sithokoze khathesi?

UJehova wasidala silesifiso sokumazi lesokumkhonza. (Bala uMathewu 5:3-6.) Ufuna sibe ngabangane bakhe, ‘sihambe kuzo zonke izindlela zakhe, simthande’ futhi simkhonze ‘ngenhliziyo yethu yonke.’ (UDutheronomi 10:12; IHubo 25:14) Singenza njalo sizathokoza lanxa kulezinto ezisihluphayo. Ukukhonza uJehova kuyasithokozisa ngoba siyabe siphila ngendlela ayifunayo.

3. UJehova ufuna siyikholise impilo

Bukelani IVIDIYO beselixoxa ngombuzo olandelayo.

IVIDIYO: Kungani UNkulunkulu Wadala Umhlaba?—Isiqephu (1:41)

• UNkulunkulu wawudalelani umhlaba wethu omuhle kangaka?

Bala umTshumayeli 3:11 beselixoxa ngombuzo lo:

• Ivesi le ithi uJehova uhloseni ngabantu?

4. Inhloso kaJehova ngabantu ayitshintshanga

Bala iHubo 37:11, 29 lo-Isaya 55:11 beselixoxa ngombuzo lo:

• Sikwazi njani ukuthi inhloso kaJehova ngabantu ayitshintshanga?

5. Ukukhonza uJehova kwenza sithokoze

IVIDIYO: Ngakuzwisisa Ukuthi Siphilelani (5:03)

• Ukwazi ukuthi uJehova wasidalelani kwamnceda njani uTerumi?

Bala umTshumayeli 12:13 beselixoxa ngombuzo lo:

• Singatshengisa njani ukuthi siyambonga uJehova ngakho konke asenzele khona?

ISIFINQO

UJehova ufuna siphile emhlabeni sithokoza kuze kube nini lanini. Nxa singamkhonza ngenhliziyo yonke sizathokoza lanxa sihlangana lenhlupho.

Ufundeni?

• UJehova wayehloseni ngo-Adamu lo-Eva?

• Sikwazi njani ukuthi inhloso kaJehova ngabantu ayitshintshanga?

• Ungenzani ukuze uthokoze empilweni?

THOLA OKUNENGI

Bala isihloko lesi ubone ubufakazi obutshengisa ukuthi isivande se-Edeni yindawo eyayikhona sibili.

“Isivande Se-Edeni Sasikhona Yini Kumbe Yinganekwane Nje?” (INqabayokulinda, January 1, 2011)

Bala isihloko lesi uzwe ukuthi kungani umhlaba ungasoze ubhujiswe.

“Umhlaba Uzabhujiswa Yini?” (Isihloko esikuwebhusayithi yethu)

Bala isihloko lesi uzwe ukuthi iBhayibhili lithi uNkulunkulu wasidalelani.

“UNkulunkulu Wasidalelani?” (Isihloko esikuwebhusayithi yethu)

Bukela ividiyo le ubone ukuthi kuyini okwakusilela kweyinye indoda eyayicabanga ukuthi ilakho konke empilweni.

Sengikwazi Ukuthi Ngiphilelani (3:55)

2. Ngobani abazabusa loJesu?

Kulabanye abazabusa loJesu. “Abantu abavela kuzo zonke izizwana, lezindimi, lemihlobo yabantu kanye lezizwe . . . bazakuba ngamakhosi babuse umhlaba.” (ISambulo 5:9, 10) Bangaki abazabusa loJesu? Lamuhla kulamamiliyoni abantu abangamaKhristu kodwa abangu-144 000 yibo kuphela abazabusa loJesu besezulwini. (Bala iSambulo 14:1-4.) Wonke amanye amaKhristu azaphila emhlabeni ebuswa nguMbuso lo.—IHubo 37:29.

UMbuso kaNkulunkulu uyabusa futhi sekuseduze ukuthi utshintshe izinto emhlabeni. Ake sixoxe ngokunye okuhle okuzakwenziwa nguMbuso kaNkulunkulu.

1. Kuyini okuzakwenza kube lokuthula lokulunga emhlabeni?

UJesu oyiNkosi yoMbuso kaNkulunkulu uzabhubhisa abantu ababi kanye labohulumende babantu empini ye-Amagedoni. (ISambulo 16:14, 16) Ngalesosikhathi kuzagcwaliseka isithembiso esiseBhayibhilini esithi: “Sekusele isikhathi esincane nje ukuthi ababi babe bengasekho.” (IHubo 37:10) UJesu uzasebenzisa uMbuso kaNkulunkulu ukuze alethe ukuthula lokulunga emhlabeni wonke.—Bala u-Isaya 11:4.

2. Izabe isinjani impilo nxa intando kaNkulunkulu isisenziwa emhlabeni?

Nxa uMbuso kaNkulunkulu usubusa, “abalungileyo bazakudla ilifa lomhlaba, bahlale kuwo kuze kube nini lanini.” (IHubo 37:29) Ubona angani impilo izabe isinjani emhlabeni nxa sokulabantu abalungileyo bodwa, abathandanayo futhi abathanda uJehova? Kuyabe kungaselamuntu ogulayo njalo bonke abantu bazaphila kuze kube nini lanini. Akuthandabuzwa ukuthi izabe imnandi impilo enjalo!

3. UMbuso kaNkulunkulu uzakwenzani ngemva kokubhubhisa abantu ababi?

Ngemva kokubhubhisa abantu ababi, uJesu uzabusa okweminyaka engu-1 000. Ngalesosikhathi yena labangu-144 000 azabusa labo bazasusa isono ebantwini. Kanti njalo umhlaba wonke uzatshintshwa ube lipharadayisi elilabantu abathokozayo futhi abalalela imithetho kaJehova. Nxa iminyaka engu-1 000 isiphelile, uJesu uzabisela uMbuso kuYise uJehova. Ibizo likaJehova lizabe ‘selingcweliswe’ ngendlela elingakaze lingcweliswe ngayo. (UMathewu 6:9, 10) Kuyabe sekusegcekeni ukuthi uJehova ubusa kuhle kakhulu lokuthi ulendaba labantu. Ngemva kwalokho uJehova uzabhubhisa uSathane lamadimoni akhe kanye lalabo abazavukela ubukhosi bakhe. (ISambulo 20:7-10) Lonke utshintsho oluzalethwa nguMbuso kaNkulunkulu luzahlala kuze kube nini lanini.

GEBHA UJULE

4. UMbuso kaNkulunkulu uzatshabalalisa yonke imibuso yabantu

“Nxa umuntu ebuswa ngomunye umuntu uyalimala.” (UmTshumayeli 8:9) UJehova uzasebenzisa uMbuso wakhe ukuthi alungise wonke umonakalo obangelwe yimibuso yabantu.

Bala uDanyeli 2:44 lo-2 Thesalonika 1:6-8 beselixoxa ngemibuzo le:

• UJehova leNdodana yakhe uJesu bazakwenzani ngemibuso yabantu kanye lalabo abayisekelayo?

• Kuyini okwenza ungathandabuzi ukuthi uJehova loJesu bazakwahlulela ngendlela eqondileyo?

5. UJesu ukufanele ukuba yiNkosi

UJesu ukufanele ukuba yiNkosi yoMbuso kaNkulunkulu njalo uzanceda abantu ngendlela ezitshiyeneyo. Bukelani IVIDIYO ukuze ubone ukuthi uJesu utshengise njani ukuthi uyafuna ukunceda abantu lokuthi uNkulunkulu umnike amandla okwenza njalo.

IVIDIYO: UJesu Watshengisa Lokho UMbuso Ozakwenzela Abantu (1:13)

Ngesikhathi esemhlabeni, uJesu wenza izimangaliso ezaziyinzwisa yalokho uMbuso ozakwenzela abantu. Wena yikuphi okulindele ngabomvu? Emavesini alandelayo bala lawo olindele ukuwabona egcwaliseka.

6. UMbuso kaNkulunkulu uzakwenza abantu bathokoze kuze kube nini lanini

IVIDIYO: Inzwisa Yokuthi Impilo Izabe Isinjani Emhlabeni Omutsha (4:38)

Bala iHubo 145:16 beselixoxa ngombuzo lo:

• Uzwa njani ngokuthi uJehova ‘uzasuthisa izifiso zakho konke okuphilayo’?

ISIFINQO

UMbuso kaNkulunkulu uzakwenza ukuthi injongo yakhe igcwaliseke. Uzatshintsha umhlaba ube lipharadayisi elilabantu abalungileyo futhi abazakhonza uJehova kuze kube nini lanini.

Ufundeni?

• UMbuso kaNkulunkulu uzalingcwelisa njani ibizo likaJehova?

• Kuyini okwenza singathandabuzi ukuthi uMbuso kaNkulunkulu uzagcwalisa zonke izithembiso eziseBhayibhilini?

• Kuzo zonke izinto ezizakwenziwa nguMbuso kaNkulunkulu, kuyini okulindele ngabomvu?

THOLA OKUNENGI

Bala isihloko lesi uzwe ukuthi kuyini i-Amagedoni.

“Kuyini I-Amagedoni?” (Isihloko esikuwebhusayithi yethu)

Bala uzwe ukuthi kuzakwenzakalani ngesikhathi ‘sokuhlupheka okukhulu’ uJesu akhuluma ngakho kuMathewu 24:21.

“Kuyini Ukuhlupheka Okukhulu?” (Isihloko esikuwebhusayithi yethu)

Bukela ividiyo le ubone ukuthi izimuli zingenzani ukuze zicabangisise ngalokho esizakwenzelwa nguMbuso kaNkulunkulu.

Zibone UsusePharadayisi (1:50)

Bala isihloko esithi “Ngangilemibuzo Eminengi” uzwe okwanceda eyinye indoda eyayithanda ezombusazwe lodlakela.

“IBhayibhili Liyamntshintsha Umuntu” (INqabayokulinda, January 1, 2012)