3. Kumele senzeni ukuze sibe ngabangane bakaJehova?

UJehova uthanda abantu bonke, “kodwa ungumngane omkhulu wabathembekileyo.” (IZaga 3:32) UJehova ufuna labo ababa ngabangane bakhe babalekele ukwenza okubi besebezimisela ukwenza okulungileyo. Abanye abantu babona angani ngeke benelise ukwenza okufunwa nguJehova. Kodwa uJehova nguNkulunkulu olesihawu njalo uyabamukela abamthandayo labazama ngamandla wonke ukwenza okumthokozisayo.—IHubo 147:11; ImiSebenzi 10:34, 35.

Sonke siyakufuna ukuba labangane abathembekileyo. UJehova laye ufuna abangane abathembekileyo. Kodwa kungaba nzima ukuhlala sithembekile ngoba abantu abanengi lamuhla abathembekanga. Kuyanceda yini ukuba ngabantu abathembekileyo kukho konke?

1. Kungani kuqakathekile ukuthi sithembeke?

Nxa sithembekile kukho konke esikwenzayo siyabe sitshengisa uJehova ukuthi siyamthanda lokuthi siyamhlonipha. Phela uyakubona konke esikwenzayo lesikucabangayo. (KumaHebheru 4:13) Yikho uyathokoza kakhulu nxa esibona sithembekile. ILizwi lakhe lithi: “UJehova uyamzonda umuntu oliqili, kodwa ungumngane omkhulu wabathembekileyo.”—IZaga 3:32.

2. Singatshengisa njani ukuthi sithembekile?

UJehova ufuna ‘sikhulume iqiniso komunye lomunye.’ (UZekhariya 8:16, 17) Lokhu kutsho ukuthi akumelanga siqambe amanga kumbe sikhohlise loba ngubani, kungaba ngamalunga emuli zethu, esisebenza labo, esikhonza labo kumbe iziphathamandla zikahulumende. Abantu abathembekileyo abatshontshi futhi kabaqili abanye. (Bala iZaga 24:28 lo-Efesu 4:28.) Bayabhadala lemithelo efunwa nguhulumende. (KwabaseRoma 13:5-7) Lezi ngezinye indlela esingatshengisa ngazo ukuthi sizimisele “ukuthembeka kukho konke.”—KumaHebheru 13:18.

3. Kuyanceda yini ukuba ngabantu abathembekileyo?

Ukuba ngabantu abathembekileyo kuyanceda sibili. Kwenza abanye basithembe, kusenze sibe lomzwangedwa ohlanzekileyo futhi kwenza lebandla limanyane. Ukuthembeka kwethu ‘kucecisa lemfundiso yoMsindisi wethu uNkulunkulu’ njalo kwenza labanye abantu bafune ukumkhonza.—KuThithusi 2:10.

GEBHA UJULE

4. Ukuthembeka kuyamthokozisa uJehova

Bala iHubo 44:21 loMalaki 3:16 beselixoxa ngemibuzo le:

• Ubona angani kukhona yini esingakufihlela uJehova?

• Ucabanga ukuthi uJehova uzwa njani nxa esibona sikhuluma iqiniso lanxa kunzima ukwenza njalo?

5. Thembeka kukho konke

IVIDIYO: Kuyini Okwenza Sithokoze?—Umzwangedwa Ohlanzekileyo (2:32)

Bala uHebheru 13:18 beselixoxa ngokuthi singatshengisa njani ukuthi sithembekile . . .

• emulini.

• esikolo loba emsebenzini.

• lakokunye esikwenzayo.

6. Ukuthembeka kuyasinceda

Lanxa ukuthembeka kungenza sithwale nzima ngezinye izikhathi, okuhle yikuthi asisoze sizisole ngakho. Bala iHubo 34:12-16 beselixoxa ngombuzo lo:

• Ubona angani impilo yakho izakuba njani nxa ungahlala uthembekile?

1. Ukuthembeka emuntwini otshade laye kuzalenza lithokoze

2. Nxa ungathembeka emsebenzini, umqhatshi wakho uzakuthemba

3. Ukulandela imithetho kahulumende kuzakwenza iziphathamandla zikuthembe

ISIFINQO

UJehova ufuna abangane bakhe bathembeke kukho konke abakwenzayo labakutshoyo.

Ufundeni?

• Singatshengisa njani ukuthi sithembekile?

• Ubona angani kukhona yini esingakufihlela uJehova?

• Kungani kumele uthembeke zikhathi zonke?

THOLA OKUNENGI

Bukela ividiyo le ubone ukuthi abazali bangabafundisa njani abantwababo ukuthi bathembeke.

Khuluma Iqiniso (1:44)

Bukela ividiyo le ukuze ubone ukuthi kunceda ngani ukugcina izithembiso esizenzayo.

Gcina Izifungo Ukuze Uthole Izibusiso (9:09)

Bala isihloko lesi ubone ukuthi kungani kumele sibhadale imithelo kungelani lokuthi imali yakhona isetshenziswa njani.

“Kungani Kumele Sibhadale Imithelo?” (INqabayokulinda, September 1, 2011)

Bala uzwe ukuthi kuyini okwanceda eyinye indoda eyayingathembekanga ukuthi itshintshe indlela eyayiphila ngayo.

“Ngazibonela Ukuthi UJehova Ulesihawu Njalo Uyathethelela” (INqabayokulinda, May 1, 2015)

2. UJehova ulendaba labangane obakhethayo yini?

UJehova ukhetha kuhle abangane bakhe. IBhayibhili lithi: “Ungumngane omkhulu wabathembekileyo.” (IZaga 3:32) Ucabanga ukuthi uJehova uzwa njani nxa sisiba labangane abangamkhonziyo? Kumzwisa ubuhlungu kakhulu! (Bala uJakhobe 4:4.) Kodwa uyathokoza futhi abeseduze lathi nxa sikhetha abangane abamthandayo labamkhonzayo.—IHubo 15:1-4.