Ungawathola Amacebo Angakwenza Uthokoze
“Yonke iMibhalo iphefumulelwe nguNkulunkulu.” (2 KuThimothi 3:16) Evesini le ibala elithi “iphefumulelwe” litsho ukuthi uNkulunkulu uSomandla wafaka imicabango yakhe ezingqondweni zabalobi beBhayibhili.
UNkulunkulu Ufuna Ukuthi Lokho Akufundisa Khona Kukuncede
‘Mina nginguJehova, okufundisa lokho okuhle kakhulu kuwe, ekutshengisa indlela okumele uhambe ngayo. Aluba wawulalele imilayo yami nje, ukuthula kwakho kwakuzakuba njengomfula, ukulunga kwakho kunjengamagagasi olwandle.’—U-ISAYA 48:17, 18.
Bona amazwi la avela kuNkulunkulu njengabhalelwe wena ngokwakho. UNkulunkulu ufuna uhlaliseke njalo uhlale uthokoza futhi angakunceda ukuthi ukuthole lokho.
Ungawathola Amacebo Avela KuNkulunkulu
“Izindaba ezinhle kumele ziqale zitshunyayelwe ezizweni zonke.”—UMAKHO 13:10.
“Izindaba ezinhle” zigoqela izithembiso zikaNkulunkulu zokuqeda konke ukuhlupheka, zokwenza umhlaba ube lipharadayisi kanye lokuvusa abathandekayo bethu abafayo. OFakazi bakaJehova emhlabeni wonke batshumayela ngalezi izindaba ezisekelwe eBhayibhilini.