Ukuthuthukisa Indlela Esitshumayela Ngayo—​Ukuyekela Ukufunda Labantu Abangathuthukiyo

KUNGANI KUQAKATHEKILE: Abantu kumele babize ibizo likaJehova ukuze basindiswe. (Rom 10:13, 14) Kodwa ayisibo bonke abantu esifunda labo abafuna ukwenza lokho okutshiwo liBhayibhili. Lanxa kunjalo siqhubeka sitshumayela ukuze sincede labo abafuna ukuphila ngendlela ethokozisa uJehova. Nxa umuntu esifunda laye iBhayibhili engathuthuki futhi sekudlule isikhathi esithile efunda, kungaba kuhle ukuthi sime ukumfundisa ukuze sincede labo uJehova abadonsela kuye lasenhlanganisweni yakhe. (Joh 6:44) Kodwa nxa ngokuhamba kwesikhathi umuntu lowo angatshengisa ukuthi ‘ulesifiso sokuthola ukuphila okungapheliyo’ singaqalisa futhi ukufunda laye.​—ImiS 13:48.

INDLELA YOKUKWENZA:

• Mncome umuntu ofunda laye ngesifiso sakhe sokwazi iqiniso eliseBhayibhilini.​—1Ti 2:4

• Gcizelela indlela okuqakatheke ngayo ukuthi akusebenzise lokho akufundayo.​—Luk 6:46-49

• Xoxa laye ngomzekeliso owakhulunywa nguJesu womuntu ohlanyelayo ubusumcela azihlole ukuthi kuyini okumenza angathuthuki. Lokhu kwenze ngendlela elomusa.​—Mat 13:18-23

• Mtshele kuhle ukuthi kungani ungasoze uqhubeke ufunda laye

• Mtshele ukuthi uzabe umvakatshela ngesinye isikhathi ukuze umkhuthaze lokuthi lingaqalisa futhi ukufunda nxa angathuthuka

BUKELANI IVIDIYO BESELIPHENDULA IMIBUZO ELANDELAYO:

• Ingxoxo esiyibonileyo itshengisa njani ukuthi umuntu ofunda iBhayibhili wayengathuthuki?

• Ummemezeli wamnceda njani umuntu ofunda iBhayibhili ukuthi azwisise ukuthi kwakumele antshintshe?

• Ummemezeli wenzani ukuze kube lula ukuthi baphinde bafunde ngesikhathi esizayo?