Amabhuku Asetshenziswe Ku-Gwalo Lwempilo Lenkonzo YamaKhristu
© 2022 Watch Tower Bible and Tract Society of Pennsylvania
MAY 1-7
AMAGUGU ASELIZWINI LIKANKULUNKULU | 2 IMILANDO 17-19
“Bona Abanye Ngendlela UJehova Ababona Ngayo”
Sebenzisa Izinto Ezalotshelwa Ukusifundisa
7 Ake sixoxe ngoJehoshafathi indodana ka-Asa. Indoda le yayizimisele ukwenza okuhle futhi yayimthemba kakhulu uNkulunkulu. Kodwa layo yawenza amaphutha. Ngokwesibonelo uJehoshafathi wahlela ukuthi indodana yakhe itshade lendodakazi yenkosi embi u-Ahabi. Waphinda wayancedisa inkosi le ngesikhathi isiyahlasela ama-Asiriya lanxa umphrofethi uMikhaya wayemxwayisile ukuthi angakwenzi lokhu. Kwasala kancane ukuthi uJehoshafathi abulawe kuleyompi. (2 ImiLan. 18:1-32) Wathi esebuyele eJerusalema uJehu umphrofethi wafika wathi kuye: “Kufanele yini ukuba uncedise ababi njalo uthande abamzondayo uJehova?”—Bala u-2 ImiLando 19:1-3.
Cabangisisa Ngothando LukaJehova Olungapheliyo
8 UJehova ufuna sikwazi ukuthi uyasithanda lokuthi kahlali ekhangela amaphutha ethu. Uyasihlolisisa ukuze athole okuhle kithi. (2 ImiLan. 16:9) Wakwenza lokhu eNkosini yakoJuda uJehoshafathi. Kwelinye ilanga uJehoshafathi wenza ubuthutha wamanyana lo-Ahabi iNkosi yako-Israyeli besiyahlasela iRamothi Gileyadi ukuze bayithathe ezandleni zamaSiriya. Lanxa abaprofethi bamanga abangu-400 batshela u-Ahabi ukuthi wayezanqoba, umphrofethi kaJehova uMikhaya wabika ukuthi lokhu kwakungasoze kwenzakale. U-Ahabi wafika wabulawa empini njalo uJehoshafathi wasila ngesikhala senalithi. Wathi esebuyela eJerusalema wakhuzwa ngokuthi wayencedisane lo-Ahabi. Lanxa kunjalo, uJehu indodana kaHanani umboni yatshela uJehoshafathi yathi: “Kodwa-ke kukhona okuhle ngawe.”—2 ImiLan. 18:4, 5, 18-22, 33, 34; 19:1-3.
9 UJehoshafathi wathi esanda kuba yinkosi walaya izikhulu zakhe, abaLevi kanye labaphristi ukuthi babhode kuwo wonke amadolobho akoJuda ukuze bafundise abantu uMthetho kaJehova. Umkhankaso lo waphumelela kakhulu okokuthi abantu ababehlala ezizweni ezazingomakhelwana labo baqalisa ukumesaba uJehova. (2 ImiLan. 17:3-10) Kuliqiniso ukuthi uJehoshafathi wenza ngobuthutha, kodwa uJehova kazange azikhohlwe izinto ezinhle indoda le eyayizenzile. Indaba le eseBhayibhilini isikhumbuza ukuthi lanxa siphambanisa, uJehova uzakuba lothando olungapheliyo kithi nxa singazimisela ukumthokozisa ngenhliziyo yonke.
Ukuchwayisisa IMibhalo
Khonza UJehova Ngenhliziyo Yonke
10 UJehoshafathi “wahamba ngezindlela zikayise u-Asa.” (2 ImiLan. 20:31, 32) Wakwenza njani lokhu? Laye njengoyise wakhuthaza abantu ukuthi bamdinge uJehova. Wahlela ukuthi kube lamadoda ayezabhoda ezindaweni ezitshiyeneyo efundela abantu “uGwalo lweMithetho kaJehova.” (2 ImiLan. 17:7-10) Waze waya laselizweni lako-Efrayimi elalisembusweni wasenyakatho ukuze ayencedisa abantu bakuleyondawo ukuthi babuyele ‘kuJehova uNkulunkulu wabo.’ (2 ImiLan. 19:4) Kuyakhanya sibili ukuthi uJehoshafathi ‘wamdinga uJehova ngenhliziyo yakhe yonke.’—2 ImiLan. 22:9.
11 Lamuhla uJehova ufuna abantu emhlabeni wonke bafundiswe ngaye njalo sonke singancedisa emsebenzini lo. Wena uyabafundisa yini abanye iLizwi likaNkulunkulu nyanga zonke ukuze labo bamkhonze? UJehova uzakunceda ukuthi wenelise ukuthola isifundo seBhayibhili nxa ungakhuthala emsebenzini wokutshumayela. Nxa ungelaso isifundo thandaza kuJehova umcele ukuthi akuncedise. Phela kwezinye izikhathi kungadingakala ukuthi usebenzise isikhathi sakho sokuphumula ukuze wenelise ukuqhuba isifundo seBhayibhili. Sibonile ukuthi uJehoshafathi wanceda abanye ukuthi babuyele kuJehova, lathi singasiza labo abangasafezi inkonzo ukuthi baphinde babuyele ebandleni. Kanti njalo abadala kumele bahlele ukuvakatshela abasusiweyo abasensimini yebandla ikakhulu labo abangabe sebeyitshiyile imikhuba emibi ababeyenza.
MAY 8-14
AMAGUGU ASELIZWINI LIKANKULUNKULU | 2 IMILANDO 20-21
“Wobani Lokholo KuJehova UNkulunkulu Wenu”
Manyana Labanye Ngoba Ukuphela Sekusondele
8 Ngesikhathi kubusa iNkosi uJehoshafathi abantu bakaNkulunkulu bahlaselwa ‘yimpi enkulu,’ isitha esasihlome siphelele sivela ezindaweni ezaziseduze labo. (2 ImiLan. 20:1, 2) Okuhle kakhulu yikuthi bacela ukuncediswa nguJehova kulokuthi bazame ukunqoba isitha lesi ngamandla abo. (Bala u-2 ImiLando 20:3, 4.) Kodwa kabazange bathi omunye lomunye azicelele yedwa ngendlela ayifunayo kumbe ayibona ifanele. IBhayibhili lithi: “Wonke amadoda akoJuda, labomkawo labantwabawo lezinsane, bema lapho phambi kukaJehova.” (2 ImiLan. 20:13) Siyabona-ke ukuthi bonke bamanyana, abadala labancane, bavuma ukuqondiswa nguJehova njalo wabavikela ukuze banganqotshwa yisitha sabo. (2 ImiLan. 20:20-27) Lokhu yikho kanye lathi okumele sikwenze nxa sesehlelwe luhlupho.
Lina Elisanda Kutshada, Qakathekisani Ukukhonza UJehova
7 UJehova wathuma umLevi okuthiwa nguJehaziyeli ukuthi ayekhuluma loJehoshafathi. Wathi kuye: “Lunganini ezindaweni; lime ngesibindi lizabona ukukhulula kukaJehova azalenzela khona.” (2 ImiLan. 20:13-17) Leyo kwakungayisiyo ndlela ejayelekileyo yokulwa impi. Kodwa owayebatshela ukuthi benze njalo nguJehova hatshi umuntu nje. UJehoshafathi wamthemba ngokupheleleyo uJehova yikho wenza konke ayemtshele khona. Kwathi yena lamadoda ayelawo sebesiyakulwa lesitha wafaka phambili abahlabeleli ababengahlomanga hatshi amasotsha azingwazi. UJehova kazange ambambise ilitshe. Walinqoba ibutho lesitha uJehoshafathi.—2 ImiLan. 20:18-23.
Ukuchwayisisa IMibhalo
it-1-E 1271 ¶1-2
UJehoramu
UJehoramu kazange enze okulungileyo njengoyise uJehoshafathi. Mhlawumbe okunye okwabangela ukuthi enze njalo kwakungumkakhe u-Athaliya. (2Am 8:18) UJehoramu kaphelelanga ekubulaleni abafowabo abayisithupha labanye abakhokheli bakoJuda kodwa waphinda wenza abantu bafulathela uJehova, bakhonza onkulunkulu bamanga. (2Imi 21:1-6, 11-14) Ngesikhathi ebusa kwakungelakuthula embusweni wakhe futhi wayephanjaniswa ngezinye izizwe. Abako-Edomi yibo abaqalisa ukumhlamukela. Ngemva kwalokho iLibhina layo yasihlamuka. (2Am 8:20-22) Umphrofethi u-Elija wabhalela uJehoramu incwadi ethi: “UJehova uzaletha umonakalo ebantwini bakho, lasemadodaneni akho, lakumakhosikazi akho, lakuyo yonke impahla yakho. Uzabulawa yimikhuhlane eminengi njalo uzakuba lomkhuhlane emathunjini akho. Umkhuhlane lo uzaqhubeka usiba mubi usuku ngosuku, amathumbu aze aphumele phandle.”—2Imi 21:12-15.
Yikho kanye okwenzakalayo. UJehova wavumela ukuthi ama-Arabhu lamaFilisti bahlasele ilizwe lakoJuda lokuthi bathumbe amakhosikazi kaJehoramu lamadodana akhe. Kodwa indodana kaJehoramu encane, uJehowahazi eyayibizwa langokuthi ngu-Ahaziya ayizange ithunjwe. UNkulunkulu wayivikela ngenxa yesivumelwano soMbuso ayesenze loDavida. “Ngemva kwakho konke lokhu, uJehova watshaya uJehoramu ngomkhuhlane wamathumbu ongelaphekiyo.” Ngemva kweminyaka emibili “amathumbu akhe aphumela phandle” njalo wacina efile. Yaphela njalo nje impilo yendoda le embi futhi “akulamuntu owamkhalelayo esefile.” Bamngcwaba edolobheni likaDavida “kodwa abazange bamngcwabe emangcwabeni amakhosi.” Indodana yakhe u-Ahaziya yaqalisa ukubusa.—2Imi 21:7, 16-20; 22:1; 1Imi 3:10, 11.
MAY 15-21
AMAGUGU ASELIZWINI LIKANKULUNKULU | 2 IMILANDO 22-24
“UJehova Uyababusisa Abantu Abalesibindi”
w09-ZU 4/1 24 ¶1-2
UJehowashi Washiya UJehova Ngenxa Yabangane Ababi
KWAKUYISIKHATHI esibi eJerusalema, umuzi okwakwakhiwe kuwo ithempeli likaNkulunkulu. INkosi u-Ahaziya yayisanda kubulawa. Kunzima ukuchaza lokho unina ka-Ahaziya, u-Athaliya, akwenza ngemva kwalokho. Wabulala amadodana ka-Ahaziya—abazukulu bakhe uqobo! Uyazi ukuthi kungani?—Ukuze kubuse yena esikhundleni somunye wabo.
Nokho, omunye wabazukulu baka-Athaliya, uJehowashi osemncane, wasinda, futhi ugogo wakhe wayengazi lutho ngalokho. Ungathanda ukwazi ukuthi wasinda kanjani?— Lo mntwana wayenobabekazi okuthiwa uJehoshabeyati, owafihla uJehowashi ethempelini likaNkulunkulu. Lokhu wayengakwenza ngoba umyeni wakhe kwakunguJehoyada, umPristi Omkhulu. Ngakho, bobabili baqiniseka ukuthi uJehowashi uphephile.
w09-ZU 4/1 24 ¶3-5
UJehowashi Washiya UJehova Ngenxa Yabangane Ababi
UJehowashi wafihlwa ethempelini iminyaka eyisithupha. Lapho, wafundiswa konke ngoJehova uNkulunkulu nemithetho yakhe. Ekugcineni, lapho uJehowashi eseneminyaka engu-7 ubudala, uJehoyada wathatha isinyathelo sokuba amgcobe njengenkosi. Ungathanda ukwazi ukuthi uJehoyada wakwenza kanjani lokhu nokuthi kwenzekani ngogogo kaJehowashi, iNdlovukazi u-Athaliya?—
UJehoyada wahlanganisa ngasese onogada abakhethekile ababenakekela amakhosi eJerusalema ngaleso sikhathi. Wabatshela indlela yena nomkakhe ababesindise ngayo indodana yeNkosi u-Ahaziya. UJehoyada wabe esethula uJehowashi kulab’ onogada, abaqaphela ukuthi wayengumbusi ofanele. Kwabe sekwenziwa icebo.
UJehoyada wakhiphela uJehowashi ngaphandle wamgcoba njengenkosi. Ngenxa yalokho, abantu “bashaya ihlombe bathi: ‘Mayiphile inkosi!’” Onogada bangunga uJehowashi ukuze bamvikele. Lapho u-Athaliya ezwa kuchwaza ngaphandle, waphuma eyokhuza. Kodwa ngomyalo kaJehoyada, onogada bambulala u-Athaliya.—2 AmaKhosi 11:1-16.
it-1-E 379 ¶5
Ukungcwatshwa
UJehoyada umphristi omkhulu njalo owayeyindoda elungileyo wangcwatshelwa “edolobheni likaDavida emangcwabeni amakhosi.” EBhayibhilini nguye yedwa umuntu oqanjwayo owayengasiwosendo lwesikhosini owathola isibusiso leso.—2Imi 24:15, 16.
Ukuchwayisisa IMibhalo
it-2-E 1223 ¶13
UZakhariya
12. UZakhariya lo wayeyindodana kaJehoyada umphristi omkhulu. Ngemva kokufa kukaJehoyada, iNkosi uJehowashi yahlamukela uJehova yala lokulalela abaphrofethi bakhe. UZakhariya isihlobo sikaJehowashi (2Imi 22:11) waxwayisa abantu ngalokho kodwa abazange baphenduke, basebemkhanda ngamatshe egumeni lethempeli. UZakhariya wathi esezakufa wakhuluma amazwi la: “Kwangathi uJehova angakubona lokhu futhi akujezise.” Amazwi la agcwaliseka ngoba iSiriya yahlasela isizwe sakoJuda njalo uJehowashi wabulawa yizinceku zakhe ezimbili “ngoba wayebulele amadodana kaJehoyada umphristi.” IGreek Septuagint le-Latin Vulgate ithi uJehowashi wabulawa ukuze kuphindiselwe igazi “lendodana” kaJehoyada.—2Imi 24:17-22, 25.
MAY 22-28
AMAGUGU ASELIZWINI LIKANKULUNKULU | 2 IMILANDO 25-27
“UJehova Uyenelisa Ukukunika Okunengi Kakhulu Ukwedlula Lokho”
it-1-E 1266 ¶6
UJehowashi
UJehowashi wathenga amabutho angu- 100 000 enkosini yakoJuda ukuze ayekulwa labako-Edomi. Kodwa “umuntu kaNkulunkulu weqiniso” wathi angahambi lamabutho la. Lanxa aphiwa amathalenta esiliva angu-100 ($660 600) azonda esetshelwe ukuthi abuyele, mhlawumbe ngenxa yokuthi ayekhangelele ukuthola impahla enengi esevela empini. Athi esebuyele enyakatho ahlasela amadolobho ombuso waseningizimu kusukela eSamariya kwaze kwayafika eBhethi-horoni.—2Imi 25:6-10, 13.
‘Ungabunambitha’ Njani Ubuhle BukaJehova?
16 Tshiya ezinye izinto ukuze wenze okunengi ekukhonzeni uJehova. Akudingeki ukuthi size sitshiye zonke izinto esizithandayo ukuze sithokozise uJehova. (UmTshu. 5:19, 20) Kodwa nxa singayekela ukwenza okunengi ekukhonzeni ngenxa yokuthi asifuni ukutshiya ezinye izinto esizithandayo, singacina sesifanana lendoda esemzekelisweni kaJesu. Yasebenza nzima ukuze ibe lezinto ezinengi ezinhle kodwa kayizange izihluphe ngoNkulunkulu. (Bala uLukha 12:16-21.) Umzalwane ohlala eFrance okuthiwa nguChristian uthi, “Ngangisenza okulutshwana ekukhonzeni njalo ngangingatholi isikhathi esinengi sokuba lemuli yami.” Yena lomkakhe babona kungcono ukuthi baphayone. Kodwa kwakumele batshiye imisebenzi yabo ukuze bakwenze lokhu. Baqalisa ibhizimusi encane yokuklina izindlu lamawofisi njalo bafunda ukusuthiseka ngemali encane abasebeyithola. Bayathokoza yini ngalokho abakwenzayo? UChristian uthi, “Khathesi sesikholisa ngoba sesisenza okunengi ekutshumayeleni futhi kuyasithokozisa ukufundisa abantu ngoJehova.”
Ukuchwayisisa IMibhalo
w07-ZU 12/15 10 ¶1-2
Ingabe Unomeluleki Ongokomoya?
LAPHO esemncane eneminyaka engu-16 ubudala, u-Uziya waba inkosi yombuso wakwaJuda oseningizimu. Wabusa iminyaka engaphezu kwengu-50, kusukela ngasekupheleni kwekhulu lesi-9 kuya ekuqaleni kwelesi-8 B.C.E. Kusukela esemncane, u-Uziya “waqhubeka enza okuhle emehlweni kaJehova.” Yini eyamthonya ukuba alandele inkambo eqotho? Umlando uthi: “[U-Uziya] waqhubeka ethambekele ekufuneni uNkulunkulu ezinsukwini zikaZakariya, umfundisi wokwesaba uNkulunkulu weqiniso; futhi, ezinsukwini zokufuna kwakhe uJehova, uNkulunkulu weqiniso wamenza wachuma.”—2 IziKronike 26:1, 4, 5.
Akukuningi okwaziwayo ngoZakariya, umeluleki wenkosi, ngaphandle nje komlando wakhe eBhayibhelini. Kodwa, ‘njengomfundisi wokwesaba uNkulunkulu weqiniso,’ uZakariya waba nethonya elihle kulo mbusi osemusha ekwenzeni okulungile. I-Expositor’s Bible iphawula ukuthi kusobala ukuthi uZakariya “wayeyindoda enolwazi lwezinto ezingcwele, enolwazi oluningi lwezinto ezingokomoya, nekhono lokudlulisela ulwazi lwakhe.” Isazi esithile seBhayibheli saphetha kanje lapho sikhuluma ngoZakariya: “Wayezazi kahle iziprofetho futhi . . . wayeyindoda ehlakaniphile, ezinikele, elungile; futhi, kubonakala sengathi wayenethonya elikhulu ku-Uziya.”
MAY 29–JUNE 4
AMAGUGU ASELIZWINI LIKANKULUNKULU | 2 IMILANDO 28-29
“Ungenelisa Ukukhonza UJehova Lanxa Ukhuliswe Nzima”
Lingisela Abangane BakaJehova
8 UHezekhiya wayengafanani loRuthe ngoba yena wazalelwa esizweni esasizinikele kuJehova. Kodwa kayisiwo wonke ama-Israyeli ayelokhu ethembekile kuJehova. Omunye owayesephambukile yiNkosi u-Ahazi uyise kaHezekhiya. Indoda le yenza izinto ezimbi, yangenisa lesizwe sakoJuda ekukhonzeni izithombe, yangcolisa lethempeli likaJehova elaliseJerusalema. U-Ahazi waphinda wathatha labanye abantwabakhe wabaphosela emlilweni bephila enikela ngabo kubonkulunkulu bamanga. Kuyakhanya-ke ukuthi uHezekhiya wakhula nzima kakhulu.—2 AmaKho. 16:2-4, 10-17; 2 ImiLan. 28:1-3.
Lingisela Abangane BakaJehova
9 Kwakungaba lula ukuthi uHezekhiya akhule engumuntu ololaka futhi ongamlaleliyo uNkulunkulu. Abanye abake bahlangana lobunzima obungeke bufike kobukaHezekhiya, bazibona belesizathu esizwakalayo ‘sokuthukuthelela uJehova’ kumbe ukuzondela inhlanganiso yakhe. (Zaga. 19:3) Abanye njalo ngabathi indlela ebuhlungu abakhuliswa ngayo yiyo ebenza baphile impilo embi kumbe balingisele lokho okwakusenziwa ngabazali babo. (Hez. 18:2, 3) Kodwa iqondile yini imicabango enjalo?
10 Imbali kaHezekhiya elotshwe eBhayibhilini itshengisa ukuthi abakucabangayo akuqondanga. Kasikho isizatho sokuthukuthelela uJehova ngoba kayisuye obangela izinto ezimbi ezehlela abantu emhlabeni lo omubi. (Jobe. 34:10) Kuliqiniso sibili ukuthi abazali bangaba yisibonelo esihle loba esibi ebantwaneni babo. (Zaga. 22:6; Kol. 3:21) Kodwa lokhu akutsho ukuthi indlela umuntu akhuliswe ngayo yiyo etshoyo ukuthi uzaphila impilo enjani kusasa. Akumelanga sikhohlwe ukuthi uJehova usinike isipho esiligugu kakhulu sokukhetha ukuthi sifuna ukwenzani empilweni lokuthi sizakuba ngabantu abanjani. (Dute. 30:19) UHezekhiya wasisebenzisa njani isipho lesi?
11 Lanxa uHezekhiya wayengumntanenkosi eyayisenza izinto ezimbi kakhulu, yena wakhula waba yinkosi enhle okwamagama. (Bala u-2 AmaKhosi 18:5, 6.) Uyise wayeyisibonelo esibi kuye, kodwa babekhona abanye abantu ababesenza okuhle ayengabalingisela. Kwakulabaphrofethi ababekhona ngezikhathi lezo, kwakulo-Isaya, uMikha loHoseya. Akuthandabuzwa ukuthi iNkosi uHezekhiya yakwamukela ngenhliziyo yonke okwakutshiwo ngabaphrofethi laba ababethembekile, yavumela ukuthi iseluleko kanye lesiqondiso esivela kuJehova singene sijule enhliziyweni yayo. Ngakho uHezekhiya wazimisela ukulungisa wonke umonakalo owawubangelwe nguyise. Waqala ngokuhlanza ithempeli, wenzela abantu indlela yokubuyisana loNkulunkulu, wenza lomkhankaso wokutshabalalisa bonke onkulunkulu bamanga ababegcwele elizweni. (2 ImiLan. 29:1-11, 18-24; 31:1) Langesikhathi uSenakheribi inkosi yase-Asiriya efuna ukuhlasela iJerusalema, uHezekhiya watshengisa ukuthi ulokholo kanye lesibindi. Wathembela kuNkulunkulu futhi wakhuthaza abantu bakibo ngamazwi langesibonelo. (2 ImiLan. 32:7, 8) Ngitsho langesikhathi ekhuzwa ngenxa yokuzikhukhumeza ayekwenzile, uHezekhiya wazithoba futhi wantshintsha. (2 ImiLan. 32:24-26) Kuyacaca-ke ukuthi uHezekhiya kazange avumele ukuthi indlela akhuliswa ngayo iphambanise impilo yakhe. Kodwa watshengisa ukuthi wayengumngane kaJehova futhi uyisibonelo esihle esingasilingisela.
Ukuchwayisisa IMibhalo
w12-ZU 2/15 24-25
UNathani—Umlweli Oqotho Wokukhulekela Okuhlanzekile
Njengomkhulekeli othembekile kaJehova, uNathani walisekela ngesasasa icebo likaDavide lokwakha isikhungo sokukhulekela sokuqala emhlabeni esingelona itende. Nokho, kubonakala sengathi kuleso senzakalo uNathani wayeveza imizwa yakhe, hhayi ekaJehova. Ngalobo busuku, uNkulunkulu wayala lo mprofethi wakhe ukuba ayise isigijimi esihlukile enkosini: Kwakungeke kube uDavide ozokwakhela uJehova ithempeli. Lalizokwakhiwa enye yamadodana akhe. Nokho, uNathani watshela uDavide ukuthi uNkulunkulu wayenza isivumelwano naye sokuthi isihlalo sakhe sobukhosi ‘sasiyoma siqine kuze kube nini nanini.’—2 Sam. 7:4-16.
Intando kaNkulunkulu yayingahambisani nombono kaNathani ngokuphathelene nokwakhiwa kwethempeli. Nokho, lo mprofethi othobekile wazithoba enjongweni kaJehova futhi wabambisana nayo ngaphandle kokububula. Yeka isibonelo esihle okufanele sisilingise uma kwenzeka uNkulunkulu esilungisa ngandlela-thile! Imisebenzi uNathani ayenza kamuva njengomprofethi ibonisa ukuthi akazange alahlekelwe umusa kaNkulunkulu. Eqinisweni, kubonakala sengathi uJehova waphefumulela uNathani noGadi umboni ukuba baqondise uDavide ekuhleleni abahlabeleli abangu-4 000 ababezokhonza ethempelini.—1 IziKr. 23:1-5; 2 IziKr. 29:25.
JUNE 5-11
AMAGUGU ASELIZWINI LIKANKULUNKULU | 2 IMILANDO 30-31
“Ukuhlangana Ndawonye Kuyasinceda”
it-1-E 1103 ¶2
UHezekhiya
Wayetshisekela Ukukhonza Kweqiniso. UHezekhiya wathi esiba yinkosi eleminyaka engu-25 wahle watshengisa ukuthi wayekutshisekela ukukhonza uJehova. Into aqala ukuyenza kwakuyikuvula ithempeli lokulilungisa. Wasebenza nzima enika amaLevi imisebenzi yabo, wahlela ukuthi kube labatshaya amachacho labahlabela ingoma zokudumisa. KwakunguNisani, inyanga yokunanza iPhasika kodwa abaphristi lamaLevi babengcolile futhi ithempeli lalo lalingcolile. NgoNisani 16 ithempeli lahlanjululwa, lezitsha zalo zabuyiselwa. Ngemva kwalokho bonke abako-Israyeli bahlawulelwa.—2Imi 29:1-36.
it-1-E 1103 ¶3
UHezekhiya
Umthetho wawuvuma ukuthi abantu abangazihlambululanga bananze iPhasika ngenyanga elandelayo. Ngakho uHezekhiya wahlela ukuthi abantu labo ababengazihlambululanga balinanze sekwedlule inyanga eyodwa. Wathumela izincwadi zokunxusa abantu esebenzisa izithunywa kulo lonke elakoJuda lelako-Israyeli kusukela eBheri-shebha kuze kuyefika koDani. Abantu abanengi bahleka futhi bazichothoza izithunywa lezi. Kodwa bakhona abanye abazehlisayo bahamba eJerusalema ikakhulu abako-Asheri, labakoManase, labakoZebhuloni, labako-Efrayimi kanye labako-Isakhari. Labanye ababekhonza uJehova bengayisiwo ma-Israyeli babekhona emkhosini lo. Kukhanya ababesembusweni wenyakatho ababelandela ukukhonza kweqiniso babezathwala nzima ukuthi bayefika emkhosini lo. Labo babengachothozwa bahlekwe njengezithunywa zikaHezekhiya futhi kwakungamanga kuhle embusweni lo wezizwana ezilitshumi, babecwile ekukhonzeni kwamanga njalo behlutshwa ngama-Asiriya.—2Imi 30:1-20; Nan 9:10-13.
it-1-E 1103 ¶4-5
UHezekhiya
Ngemva kwePhasika kwaba loMkhosi Wesinkwa Esingelamvubelo owathatha amalanga ayisikhombisa. Abantu bathokoza kakhulu okokuthi bengezelela ezinye insuku eziyisikhombisa. Lanxa abantu babephakathi kobunzima, uJehova wababusisa okokuthi “kwaba lentokozo enkulu eJerusalema ngoba kusukela ensukwini zikaSolomoni indodana kaDavida inkosi yako-Israyeli, okunje kwakungakaze kwenzakale eJerusalema.”—2Imi 30:21-27.
Lo kwakungasimkhosi wokuzikholisela nje kodwa kwakuyikubuyiselwa kokukhonza kweqiniso. Abantu bathi bengakabuyeli emakhaya abo bagamula izithombe zika-Ashera, badiliza insika ezazikhonzwa, lezindawo eziphakemeyo, lama-alithare kulo lonke elakoJuda, lakoBhenjamini, lako-Efrayimi kanye lakoManase. (2Imi 31:1) UHezekhiya watshengisa abantu okwakumele kwenziwe. Wachoboza inyoka yekhopha eyayenziwe nguMosi ngoba abantu bako-Israyeli babetshisa imihlatshelo phambi kwayo. (2Am 18:4) Ngemva komkhosi lo, uHezekhiya wahlela abaphristi ngamaqembu abo, wahlela lokuthi yonke imisebenzi yethempelini iyenziwe ukuze ukukhonza kweqiniso kuqhubekele phambili. Wakhumbuza abantu ukuthi balalele uMthetho wokuthi bakhiphe okwetshumi lezithelo zokuqala ezazinikwa amaLevi labaphristi njalo abantu bakwenza ngenhliziyo yonke lokho.—2Imi 31:2-12.
Ukuchwayisisa IMibhalo
“Lingaze Lizazi Lezi Izinto Lizabusiswa Nxa Lizenza”
14 Okunye esingakwenza ukuze sitshengise ukuthi sithobekile yikuzimisela ukulalela abanye nxa beveza imibono yabo. UJakhobe 1:19 uthi kumele ‘siphange silalele.’ UJehova uyisibonelo esihle kakhulu endabeni le. (Gen. 18:32; Josh. 10:14) Obunye ubufakazi balokho sibuthola ku-Eksodusi 32:11-14. (Bala.) Endabeni le uJehova wayengenza akufunayo engazange abuze omunye umuntu kodwa wanika uMosi ithuba lokuthi aveze umbono wakhe. Wena wawungenelisa yini ukumlalela ngesineke umuntu owenza amaphutha futhi wenze lokho akutshoyo? UJehova yena uyabalalela ngesineke abantu abalokholo nxa bekhuleka kuye.
15 Kumele sizibuze imibuzo le: ‘Nxa kuyikuthi uJehova wazehlisa walalela u-Abhrahama, uRakheli, uMosi, uJoshuwa, uManowa, u-Elija kanye loHezekheli, akumelanga yini lami ngihloniphe abazalwane, ngilalele imibono yabo njalo ngenze lokho abangitshela khona? Ukhona yini ebandleni loba emulini yami odinga uncedo lwami? Kumele ngenzeni ukuze ngimncede futhi ngizakwenza njani lokhu?’—Gen. 30:6; Abahlu. 13:9; 1 AmaKho. 17:22; 2 ImiLan. 30:20.
JUNE 12-18
AMAGUGU ASELIZWINI LIKANKULUNKULU | 2 IMILANDO 32-33
“Qinisa Abanye Ngezikhathi Zobunzima”
it-1-E 204 ¶5
I-Asiriya
USenakheribhi. USenakheribhi, indodana kaSagoni wesibili, wahlasela umbuso wakoJuda ngomnyaka wesi-14 wokubusa kukaHezekhiya (732 B.C.E.). (2Am 18:13; Isy 36:1) Abantu bakoJuda babethwaliswe nzima ngama-Asiriya ngenxa yalokho okwakwenziwe ngu-Ahazi uyise kaHezekhiya. Kodwa uHezekhiya wayihlamukela inkosi yase-Asiriya. (2Am 18:7) USenakheribhi waphindisela ngokuhlasela koJuda wanqoba amadolobho angu-46. (khangela lo-Isy 36:1, 2), Ngemva kwalokho wathi esenkambeni yakhe yeLakhishi wathi uHezekhiya abhadale amathalenta egolide angu-30 (c. $11 560 000) lamathalenta esiliva angu-300 (c. $1 982 000). (2Am 18:14-16; 2Imi 32:1; khangela lo-Isy 8:5-8.) Lanxa imali le yabhadalwa, uSenakheribhi wathuma izithunywa zakhe ukuthi zitshele iJerusalema izinikele kuye. (2Am 18:17–19:34; 2Imi 32:2-20) UJehova wathi esebulele amadoda angu-185 000 enkambeni yama-Asiriya ngobusuku obubodwa nje, kwakungaselanto uSenakheribhi angayenza ngaphandle kokuzibuyelela eNiniva. (2Am 19:35, 36) Esekhonale wabulawa ngamadodana akhe amabili, kwasekusithi indodana yakhe u-Esa-hadoni yathatha ubukhosi.—2Am 19:37; 2Imi 32:21, 22; Isy 37:36-38.
Abelusi Abayisikhombisa Labakhokheli Abaficamibili—Basinceda Ngani Lamuhla?
12 UJehova uhlala ezimisele ukusincedisa kulokho esingeke senelise ukuzenzela khona, kodwa ukhangelele ukuthi senze okusemandleni ethu. UHezekhiya wacebisana ‘lezikhulu zakhe kanye labebutho’ bavumelana ukuthi ‘kuvalwe amanzi avela ezintonjeni ezazingaphandle kwedolobho. Ngakho [uHezekhiya] wasebenza ngamandla evuselela umduli lokwakha imiphongolo phezu kwayo. Wakha omunye umduli ngaphandle kwalowo, wenza lezikhali lezihlangu ezinengi kakhulu.’ (2 ImiLan. 32:3-5) UJehova wasebenzisa abaphrofethi bakhe ababemthanda lamadoda amanengi angamaqhawe agoqela uHezekhiya lezikhulu zakhe, ukuze avikele njalo eluse abantu bakhe ngesikhathi leso.
Abelusi Abayisikhombisa Labakhokheli Abaficamibili—Basinceda Ngani Lamuhla?
13 Ngaphandle kokuvala amanzi lokwakha izinqaba zokuvikela umuzi, uHezekhiya esuka khonapho wenza okuthile okwakuqakatheke kakhulu. Wabuthanisa abantu wasebaqinisa ukuthi bangekeli ukukhonza ngenxa yokuthi wayengumalusi owayelendaba labantu bakhe. Wabatshela wathi: “Lingesabi njalo lingethuselwa libutho elikhulu kangaka lenkosi yase-Asiriya ngoba kulamandla amakhulu akithi adlula akuye. Yena ulengalo yenyama kuphela, kodwa thina siloJehova uNkulunkulu wethu ukusisiza lokusilwela izimpi zethu.” Lesi kwakuyisikhumbuzo esasiqinisa ukholo sibili, sokuthi uJehova wayezabalwela abantu bakhe. AmaJuda athi ekuzwa lokhu ‘baba lesibindi ngenxa yalokho okwakutshiwo yinkosi yakoJuda uHezekhiya.’ Nanzelela ukuthi ‘okwatshiwo nguHezekhiya’ yikho okwenza ukuthi abantu babeke amaphaphu phansi. UHezekhiya lezikhulu zakhe lamadoda akhe empi kanye labaphrofethi uMikha lo-Isaya, baba ngabelusi abaluncedo kakhulu njengoba uJehova wayetshilo esebenzisa umphrofethi wakhe.—2 ImiLan. 32:7, 8; bala uMikha 5:5, 6.
Ukuchwayisisa IMibhalo
Kutshoni Sibili Ukuphenduka?
11 Ngokuhamba kwesikhathi uJehova wayiphendula imithandazo kaManase. Wabona ukuthi imithandazo yakhe yayitshengisa ukuthi usephendukile sibili. Wamlalela ngesikhathi ethandaza ecela ukuthi amthethelele njalo wambuyisela esihlalweni sobukhosi. UManase wenza konke ayengakwenza ukuze atshengise ukuthi wayesephendukile okweqiniso. Wenza lokho u-Ahabi angazange akwenze. Watshintsha indlela ayesenza ngayo. Wazimisela ukuqeda ukukhonza kwamanga futhi wakhuthaza abantu ukuthi bakhonze uJehova. (Bala u-2 ImiLando 33:15, 16.) UManase kwakumele abe lesibindi lokholo ukuze akwenze lokhu ngoba engakaphenduki wayeyisibonelo esibi emulini yakhe, ezikhulwini zakhe lasebantwini bakhe okweminyaka eminengi. Ngesikhathi eseluphele wazama ukulungisa okunye ayekuphambanisile. Kumele ukuthi lokhu kwamnceda kakhulu uJosiya umzukulu wakhe owayesesemncane njalo owaba yinkosi elungileyo.—2 AmaKho. 22:1, 2.
12 Sifundani kuManase? Kazange azithobe kuphela kodwa wathandaza ecela uJehova ukuthi abe lesihawu kuye. Watshintsha lendlela ayesenza ngayo. Kanti njalo wasebenza nzima elungisa umonakalo ayewubangele futhi wakhonza uJehova ngenhliziyo yonke. Waphinda wancedisa abanye ukuthi benze njalo. Okwenzakala kuManase kungabanika ithemba labo abenze izono ezimbi kakhulu. Kwenza kucace ukuthi uJehova uNkulunkulu “uyathethelela njalo ulungile.” (Hubo. 86:5) Uzabathethelela labo abaphenduka okweqiniso.
JUNE 19-25
AMAGUGU ASELIZWINI LIKANKULUNKULU | 2 IMILANDO 34-36
“Uthola Okunengi Yini Nxa Ubala ILizwi LikaNkulunkulu?”
it-1-E 1157 ¶4
UHulida
UJosiya wathi esebalelwe “ibhuku loMthetho” elalitholwe nguHilikhiya umphristi omkhulu wathuma abantu ukuthi bayebuza kuJehova. Bahamba kuHulida owafika wabatshela amazwi kaJehova. Watshela isizwe leso esihlamukayo lesingalaleliyo ukuthi amazwi ayebhalwe ‘ebhukwini’ ayezagcwaliseka lokuthi sasizakwehlelwa ngumonakalo. UHulida waphinda wathi uJosiya wayengasoze awubone umonakalo lo ngenxa yokuzithoba kwakhe kuJehova. Kodwa wayezazifela angcwatshwe ngokuthula.—2Am 22:8-20; 2Imi 34:14-28.
w09-ZU 6/15 10 ¶20
Shisekela Indlu KaJehova!
20 Ngesikhathi kwenziwa umsebenzi wokulungisa ithempeli owahlelwa iNkosi uJosiya, uMpristi Ophakeme uHilikiya “wathola incwadi yomthetho kaJehova owanikezwa ngesandla sikaMose.” Wayinika uShafani unobhala wasebukhosini, yena owabe eseqala ukuyifundela uJosiya. (Funda eyesi-2 IziKronike 34:14-18.) Waba yini umphumela? Inkosi yadabuka yabe isidabula izingubo zayo masinyane futhi yayala amadoda athile ukuba ayobuza kuJehova. Esebenzisa umprofethikazi uHulida, uNkulunkulu wadlulisela isigijimi esasilahla eminye yemikhuba yenkolo eyase yenziwa kwaJuda. Kodwa uJehova wayeyiqaphele imizamo emihle kaJosiya yokuqeda ukukhulekela izithombe, futhi wahlala emthanda naphezu kwezinhlekelele ayezibikezele ngesizwe sisonke. (2 IziKr. 34:19-28) Yini esingayifunda kulokhu? Ngokuqinisekile sinesifiso esifana nesikaJosiya. Sifuna ukusabela ngokushesha esiqondisweni sikaJehova, sicabangisise ngesibonelo esiyisixwayiso salokho okungenzeka uma sivumela ukuhlubuka nokungathembeki ukuba kungene ngesinyenyela ekukhulekeleni kwethu. Singaqiniseka ngokuthi uJehova uyokubona futhi akwamukele ukushisekela kwethu ukukhulekela kweqiniso, njengoba nje enza kuJosiya.
Ukuchwayisisa IMibhalo
Sebenzisa Izinto Ezalotshelwa Ukusifundisa
15 Okokucina asixoxeni ngalokho okwenziwa yiNkosi uJosiya. Ubukwazi yini ukuthi kwakutheni ize ibulawe? (Bala u-2 ImiLando 35:20-22.) UJosiya wahamba wayahlasela uNekho inkosi yaseGibhithe lanxa yayimtshelile ukuthi kayilwi laye. IBhayibhili lithi lokho okwakhulunywa nguNekho kwakuvela kuNkulunkulu. Manje kungani uJosiya wahamba wayakulwa lenkosi le? IBhayibhili kalisitsheli lutho ngakho.
16 UJosiya wayezakwazi njani ukuthi amazwi kaNekho avela kuJehova? Kwakumele abuze uJeremiya omunye wabaphrofethi ababethembekile ngalesosikhathi. (2 ImiLan. 35:23, 25) Kodwa iMibhalo ayikutsho ukuthi wakwenza lokho. Phela uNekho wayesiyahlasela eKharikhemeshi hatshi eJerusalema. Kanti njalo wayengazange ahlambalaze ibizo likaJehova loba asongele abantu bakoJuda. Yikho kwakungelangqondo ukuthi uJosiya athwale izikhali ayehlasela uNekho. Sifundani endabeni le? Nxa singahlangana lendaba ethile edinga ukuthi senze isinqumo kumele siqale sihlole ukuthi uJehova uthini ngaleyondaba.
17 Nxa ungaba phakathi kohlupho hlola izimiso zeBhayibhili eziphathelane laleyondaba ubusuzisebenzisa ngendlela eyiyo. Kwezinye izikhathi kungadingakala ukuthi uchwayisise emabhukwini ethu kumbe ubonane labadala ukuze bakuncedise ngezinye izimiso ongacabangisisa ngazo. Ngokwesibonelo sonke siyakwazi ukuthi kumele sitshumayele izindaba ezinhle zombuso. (ImiSeb. 4:20) Kodwa ake sithi udadewethu uhlela ukuya ekutshumayeleni ngelanga elithile. Ngemva kwalokho umkakhe ongakhonziyo abesemcela ukuthi angayindawo mhlalokho ngoba efisa ukuthi bake batshone bendawonye. Nxa sekunjalo udadewethu angakhumbula umlayo ophathelane lokwenza abafundi lowokulalela uNkulunkulu. (Mat. 28:19, 20; ImiSeb. 5:29) Kodwa ngesikhathi esifananayo akumelanga akhohlwe ukuthi kufanele azehlise kumkakhe njalo abe ngumuntu ozwisisayo. (Efe. 5:22-24; Flp. 4:5) Angazibuza lokuthi umkakhe kafuni aye ekutshumayeleni yini kumbe ucela ukuthi bake babendawonye okwamhlalokho kuphela? Yikho-ke kumele sinanzelele indlela esisebenzisa ngayo izimiso zeBhayibhili futhi sibe ngabantu abazwisisayo.
JUNE 26–JULY 2
AMAGUGU ASELIZWINI LIKANKULUNKULU | U-EZRA 1-3
“Vuma Ukuthi UJehova Akusebenzise”
Uyakubona Yini Okwabonwa NguZekhariya?
KWAKUYINTOKOZO yodwa edolobheni, kwakungathi amaJuda ayaphupha. Phela uJehova uNkulunkulu ‘wayethinte inhliziyo kaKhurosi inkosi yasePhesiya’ ukuthi ikhulule ama-Israyeli okwasekuleminyaka eminengi ethunjiwe eBhabhiloni. UKhurosi wenza isimemezelo sokuthi amaJuda abuyele edolobheni lawo “ayokwakha ithempeli likaJehova, uNkulunkulu ka-Israyeli.” (Ezra. 1:1, 3) Lezi kwakuzindaba ezinhle sibili! AmaJuda ayesezaphinda akhonze uNkulunkulu weqiniso elizweni ayewanike lona.
Izinqola Zempi Kanye Lomqhele Kuzakuvikela
2 UZekhariya wayekwazi ukuthi abako-Israyeli ababesuke eBhabhiloni babelokholo oluqinileyo. Phela uNkulunkulu ‘wayethinte izinhliziyo’ zabo baze bazimisela ukutshiya imizi lamabhizimusi abo eBhabhiloni balubhekisa eJerusalema ukuyavuselela ukukhonza kweqiniso. (Ezra. 1:2, 3, 5) Abanye babo babengakaze bayibone iJerusalema, babephonguzwa ngayo nje. Ngakho aluba babengakuqakathekisi ukukhonza kweqiniso babengasoze bahambe amakhilomitha edlula 1 600 bedabula amagusu ayingozi.
Ukuchwayisisa IMibhalo
w06-ZU 1/15 18 ¶7
Amaphuzu Avelele Encwadi Ka-Ezra
1:3-6. Njengamanye ama-Israyeli asala eBhabhiloni, abaningi boFakazi BakaJehova abanakukwazi ukungenela inkonzo yesikhathi esigcwele noma bakhonze lapho indingeko inkulu khona. Noma kunjalo, bayaqhubeka besekela futhi bekhuthaza labo abakwaziyo ukwenzenjalo futhi ngokuzithandela bayanikela ukuze kuthuthukiswe umsebenzi wokushumayela ngoMbuso nokwenza abafundi.