IMilford Sound
IZINDAWO LAMASIKO
Ukwethekelela Kwele-NEW ZEALAND
EMINYAKENI engaba ngu-800 eyadlulayo abantu okuthiwa ngamaMaori badabula umango omude bachapha ulwandle besuka esihlengeni sePolynesia bayakwakhela eNew Zealand. Bathola indawo enhle engafanani laleyo ababeyitshiye emuva. Endaweni le kulezintaba, ezinye zibunjwe ngongqwaqwane njalo kulemithombo elamanzi atshisayo. Ngemva kweminyaka engaba ngu-500 kwafika omunye umhlobo wabantu owawudabuka eYurophu lawo wakha eNew Zealand. Lamuhla izizalwane ezinengi zeNew Zealand zilandela amasiko e-Anglo-Saxon lePolynesia. Inengi labantu lihlala emadolobheni. Idolobho leWellington yilo eliyisigodlo njalo alifanani lezinye izigodlo zamanye amazwe ngoba lona lithe tshoko eningizimu.
Amachibi alodaka oluxhwathayo aseNorth Island
Lanxa iNew Zealand ithe qekele yodwa, ngomnyaka iba lezethekeli ezedlula 3 miliyoni ezivela kwamanye amazwe zizobuka izindawo ezitshiyeneyo ezinhle okwamagama.
Izihlahla okuthiwa ngama-silver fern ziyakhula zibe zinde okudlula amamitha angu-10
Kwaze kwaba ngo-1948 kucatshangwa ukuthi inyoni engaphaphiyo okuthiwa yi-takahe ayisatholakali loba ngaphi emhlabeni
Ilizwe leli lilezinyamazana ezinengi ezitshiyeneyo njalo lilemihlobo eminengi yenyoni ezingaphaphiyo ukwedlula amanye amazwe. Kulontulo okuthiwa ngu-tuatara ongaphila iminyaka engaba ngu-100. Izinyamazana ezivele zingezalelo lizwe zigoqela omalulwane, inhlanzi ezinkulu njengensikabayitshiye lama-dolphine.
Sekuleminyaka engaba ngu-120 oFakazi bakaJehova betshumayela elizweni lelo. Bafundisa abantu iBhayibhili ngezindimi ezingaba ngu-19 okugoqela izindimi zesiPolynesia okuthiwa yiNiuean, isiRarotongan, isiSamoan lesiTongan.
AmaMaori ehlabela njalo egqoke ezomdabuko wabo